նախընտրելի դարձնել
Վիրուսի տարածումը թռչուններից կաթնասուններին մտահոգություններ է առաջացնում հանրային առողջության և սննդի անվտանգության ոլորտում, հայտնում է Euronews-ը։
Հայտնի են հիվանդության դեպքեր կաթնատու անասունների, կենդանաբանական այգու կենդանիների, կատուների և վայրի կենդանիների շրջանում: Վարակվել է նաև մի քանի մարդ։ ԱՄՆ Առողջապահության գործակալության տվյալներով՝ հունվարին ԱՄՆ-ում թռչնագրիպից առաջին մարդն է մահացել: Թռչնագրիպով ևս 69 մարդ է հիվանդացել։
Մեծ Բրիտանիայում մեկ մարդ վարակվել է ագարակում վարակված թռչունների հետ շփվելիս: Դեռևս չկա մարդուց մարդուն վիրուսի կայուն փոխանցման ապացույց, և եվրոպական առողջապահական ոլորտի պաշտոնյաներն ասում են, որ բնակչության համար ռիսկը մնում է ցածր:
Սակայն եվրոպացի գիտնականները 34 գենետիկ մուտացիաներ են հայտնաբերել, որոնք կարող են հեշտացնել H5N1 վիրուսի հարմարվողականությունն ու տարածումը մարդկանց շրջանում:
Անցյալ դեկտեմբերին բրիտանական լրատվամիջոցները հայտնեցին, որ Մեծ Բրիտանիայի կառավարությունը թռչնագրիպի դեմ պատվաստանյութեր է կուտակել մարդկանց համար, եթե վիրուսը զարգանա այն աստիճանի, որ այն կկարողանա համավարակ առաջացնել:
ՄԱԿ-ի պարենի և գյուղատնտեսության կազմակերպության (FAO) ղեկավարի տեղակալ Բեթ Բեհդոլը կարևորել է FAO-ի դերը թռչնագրիպի դեմ պայքարում։ Միևնույն ժամանակ, նա նշել է առանձին երկրների անասնաբուժական համակարգերի ամրապնդման կարևորությունը. «Շղթան նույնքան ամուր է, որքան ամուր նրա ամենաթույլ օղակը։ Միասին աշխատելով՝ մենք կարող ենք նվազեցնել թռչնագրիպի ազդեցությունը և պաշտպանել ինչպես կենդանիների, այնպես էլ մարդկանց առողջությունը՝ տեղական և գլոբալ մակարդակներում»:
