նախընտրելի դարձնել
ՀՀ ԱԺ առողջապահական հարցերի նախկին ղեկավար Նարեկ Զեյնալյանը նշանակվել է «Սուրբ Գրիգոր Լուսավորիչ» ԲԿ տնօրենի ժամանակավոր պաշտոնակատար։
ՀՀ Առողջապահության նախարար Անահիտ Ավանեսյանը «Սուրբ Գրիգոր Լուսավորիչ» ԲԿ բժշկական և վարչական աշխատակազմին է ներկայացրել տնօրենի ժամանակավոր պաշտոնակատար Նարեկ Զեյնալյանին, հայտնում է ՀՀ առողջապահության նախարարությունը։
Նախարար Ավանեսյանն շնորհակալություն է հայտնել նախկին տնօրեն Արման Հովակիմյանին և ողջ թիմին կատարած մեծ աշխատանքի համար։
Տնօրենի ժամանակավոր պաշտոնակատար Նարեկ Զեյնալյանին էլ մաղթել է հաջողություններ առաջիկա ծրագրերում ու աշխատանքում։
Հիշեցնենք, որ ապրիլի սկզբին հայտնի դարձավ, որ երկու պետական բուժհիմնարկների՝ «Սուրբ Գրիգոր Լուսավորիչ» ԲԿ և Վ.Ա. Ֆանարջյանի անվան ուռուցքաբանության ազգային կենտրոնի տնօրենները կլքեն իրենց պաշտոնները։
