նախընտրելի դարձնել
Մասաչուսեթսի տեխնոլոգիական ինստիտուտի ամերիկացի գիտնականները առաջընթաց են գրանցել տուբերկուլյոզի դեմ պայքարում՝ մշակելով Mycobacterium tuberculosis հարուցիչ բակտերիայի հիմնական բաղադրիչների մակնշման նոր մեթոդ: Հետազոտությունը հրապարակվել է Proceedings of the National Academy of Sciences (PNAS) գիտական ամսագրում:
Թիմն ստեղծել է ManLAM գլիկանի՝ պաթոգենի բջջային պատի կարեւոր բաղադրիչի մակնշման նոր մեթոդ: Օգտագործելով օքսազիրիդին օրգանական մոլեկուլը՝ գիտնականներին հաջողվել է առաջին անգամ ընտրողաբար վիզուալացնել այս գլիկանը եւ հետեւել նրա վարքագծին իմունային բջիջները վարակելիս:
Մեթոդը հնարավորություն է տվել վարակվելուց հետո մի քանի օր դիտարկել բակտերիաները։ Հակառակ նախորդ ենթադրությունների, գլիկանները մնում են բակտերիաների բջջային պատում: Տեխնոլոգիան նոր հնարավորություններ է բացում վարակի մեխանիզմների ուսումնասիրության համար։
Տուբերկուլյոզի ախտորոշման գոյություն ունեցող մեթոդները՝ ռենտգենյան ճառագայթները եւ մոլեկուլային թեստերը, հաճախ անհասանելի են զարգացող երկրներում:
Նոր մոտեցումը կարող է հիմք հանդիսանալ մեզի արագ թեստերի, հիվանդության հայտնաբերման ավելի զգայուն մեթոդների համար եւ դառնալ բակտերիաների երկարատեւ աճեցման այլընտրանք:
