Նոր մեթոդի փորձարկումները կազմակերպած UniQure ընկերությունը չորեքշաբթի օրը հայտարարել է, որ ԱՄՆ-ից և Եվրոպայից մի քանի տասնյակ կամավոր հիվանդների մոտ, ովքեր վիրահատվել են 2022 թվականին և այնուհետև երեք տարի գտնվել են հսկողության տակ, Հանթինգտոնի հիվանդության զարգացման տեմպը դանդաղել է 75%-ով։

Հանթինգթոնի հիվանդության առաջին ախտանիշները, որպես կանոն, ի հայտ են գալիս 30 տարեկանից հետո, իսկ հիվանդը սովորաբար մահանում է ոչ ավելի, քան 20 տարի անց։

«Սա նշանակում է, որ մեկ փուլը, որը սովորաբար տևում է մեկ տարի, բուժումից հետո կտևի չորս տարի և դրա օգնությամբ հիվանդները կկարողանան որակյալ կյանքով ապրել տասնամյակներ շարունակ», - BBC-ին ասել է կլինիկական նյարդաբանության պրոֆեսոր և Լոնդոնի համալսարանական քոլեջի Հանթինգտոնի հիվանդությունների կենտրոնի տնօրեն Սառա Թաբրիզին, որը մասնակցել է փորձին։