Քաղցկեղը թակարդում. ինչպես են գիտնականները վերծրագրավորում բջիջների մահը՝ իմունիտետը բարձրացնելու համար

Պաստերի ինստիտուտի և ֆրանսիական Inserm ինստիտուտի գիտնականները մշակել են մի մեթոդ, որը թույլ է տալիս վերածրագրավորել քաղցկեղային B-բջիջների մահը այնպես, որ դրանք ակտիվացնեն պացիենտի իմունիտետը և օգնեն պայքարել ուռուցքի դեմ։

Ուսումնասիրության արդյունքները հրապարակվել են Science Advances ամսագրում։

Ապոպտոզի սովորական ձևը («լուռ» բջջային մահ) իմունային ռեակցիա չի առաջացնում։ Նոր մոտեցմամբ գիտնականները խթանում են նեկրոպտոզը՝ «բարձր» մահվան մի ձև, որի դեպքում բջիջներն անհանգստության ազդանշաններ են արձակում, որոնք գրավում են իմունային բջիջներին՝ մնացած քաղցկեղային բջիջները ոչնչացնելու համար։

Ինչպես բացատրում է նախագծի ղեկավար Ֆիլիպ Բուսոն, «մենք քաղցկեղային բջիջներին ստիպում ենք մահանալ այնպես, որ դրանք գործարկեն օրգանիզմի պաշտպանական ռեակցիան»։

Աշխատանքի հեղինակները կարծում են, որ իրենց մեթոդը կարող է հիմք հանդիսանալ նոր իմունաթերապևտիկ մոտեցումների համար՝ լիմֆոմաների և լեյկեմիաների այն տեսակների դեպքում, որոնցով ախտահարվում են B-բջիջները։