նախընտրելի դարձնել
Առողջապահաւթյան նախարար Անահիտ Ավանեսյանը գրառում է արել իր ֆեյսբուքյան էջում, որտեղ նշել է, որ 65+ տարիքի անձինք կստանան ապահովագրություն, որի համար կվճարի պետությունը, անկախ նրանից, աշխատում են և ունեն եկամուտ, թե`ոչ։
«Առողջության ապահովագրության ներդրմամբ 2026թ.-ի ընթացքում առաջին փուլով համակարգ ներառվելու են 65+ տարիքի անձինք և նրանց ապահովագրավճարը փակելու է պետությունը:
Անհրաժեշտ պայմաններ.
- ՀՀ քաղաքացիություն
- 183 օրից ավել ՀՀ-ում բնակություն (ռեզիդենտություն)
65+ տարիքի անձինք կստանան ապահովագրություն` անկախ նրանից
ա/ Հաշմանդամության կամ ֆունկցիոնալության գնահատման համակարգով կարգ ունեն, թե`ոչ
բ/ Աշխատում են և ունեն եկամուտ, թե`ոչ
գ/ Քրոնիկ հիվանդություններ ունեն, թե`ոչ
դ/ Սոցիալական որևէ խոցելի խմբի մեջ ներառված են, թե`ոչ
Եթե ներառվող այս խմբի հետ կապված հարցեր կան գրեք ներքևում, երեկոյան կպատասխանեմ դրանց», – գրել է նա։
