նախընտրելի դարձնել
ՀՀ առողջապահության նախարար Արմեն Մուրադյանն այցելեց ՀՀ ՊՆ ԶՈՒ 5-րդ բանակային կորպուսի N զորամաս։ Նախարարը, շնորհավորելով Ամանորի եւ Սուրբ Ծննդյան տոների կապակցությամբ, զինվորներին եւ սպայակազմին առաջին հերթին մաղթեց քաջառողջություն:
«Ձեր ընտանիքներին, ձեր օջախներին ցանկանում եմ այն ամենը, ինչ մաղթում եմ իմ երեխաներին, իմ ընտանիքին: Շնորհավորում եմ գալիք տոների առթիվ: Թող Նոր տարվա մեջ ձեր առողջությունը լինի մեր հովանու ներքո եւ ձեր պաշտպանությունը լինի մեզանից անպակաս»,- ելույթում նշեց ՀՀ առողջապահության նախարարը:
Նախարարը շնորհավորեց նաեւ հրամանատարական կազմին, ՀՀ պաշտպանության նախարարության ղեկավարությանը եւ ՀՀ զինված ուժերի գերագույն գլխավոր հրամանատար, ՀՀ նախագահ Սերժ Սարգսյանին:
ՀՀ զինված ուժերում երկարամյա ծառայության եւ արգասաբեր աշխատանքի համար ՀՀ առողջապահության նախարարը պատվոգրեր հանձնեց զորամասի բուժծառայության պետ Աղավնի Գեւորգյանին, համաճարակաբան, բուժծառայության մայոր Ալվարդ Եփրեմյանին: Նախարարության կողմից հուշանվերներ փոխանցվեցին նաեւ զորամասի աշխատակիցներին:
Բանակ հասարակության կապի ամրապնդման գործում մեծ ավանդ ունենալու համար ՀՀ ՊՆ ԶՈՒ 5-րդ բանակային կորպուսի N զորամասի հրամանատարի հրամանով պատվոգրեր տրվեցին ՀՀ առողջապահության նախարար Արմեն Մուրադյանին եւ ՀՀ առողջապահության նախարարի տեղակալ Վահան Պողոսյանին:
Զորամասի հրամանատարական կազմը շնորհակալություն հայտնեց այցելության համար` հույս հայտնեով, որ առաջադրված խնդիրները պատվով կկատարվեն, իսկ ծանոթությունը կվերափոխվի բարեկամության:
Արմեն Մուրադյանը ծանոթացավ զինվորների առօրյային եւ զորանոցի պայմաններին, շրջեց զորամասով, այցելեց բուժկետ, զրուցեց զինվորների եւ անձնակազմի հետ:
