Մասնավոր շվեյցարական բիոտեխնոլոգիական «AC Immune»  ընկերությունը սկսել է աշխարհում առաջին փորձարկումը այն պատվաստանյութի, որն աշխատում է մի սպիտակուցի դեմ, որն էլ, ինչպես ենթադրվում է, Ալցհեյմերի հիվանդության պատճառն է:

ACI-35 պատվաստանյութը խթանում է իմունային համակարգի կողմից տաու-սպիտակուցի դեմ ուղղված հակամարմինների արտադրությանը, որոնք ուղեղի ներսում  ձեւավորում են ոլորված  հանգույցներ:

Շատ գիտնականներ կարծում են, որ տաու սպիտակուցը, ամիլոիդ կոչվող այլ սպիտակուցի հետ միասին, Ալցհեյմերի հիվանդության զարգացման կարեւոր պատճառն է : Մինչեւ վերջերս դեղամիջոցներ արտադրողների ուշադրության կենտրոնում էր գտնվում ամիլոիդ սպիտակուցը , հաղորդում է Newsmax Health-ը:

Չնայած մինչեւ հիմա չկա բուժում, որն  արդյունավետ կերպով  կարողանա փոխել հիվանդությունը կամ դանդաղեցնել վերջինիս առաջխաղացումը, մի շարք ընկերություններ, այդ թվում Roche, Eli Lilly, Merck & Co и Johnson & Johnson-ը տարբեր մոտեցումներ են ցուցաբերում՝ պատճառը բացահայտելու համար:

AC Immune ընկերության Ալցհեյմերի հիվանդության դեմ դեղամիջոցը ՝ կրենեզումաբը, լիցենզավորվել է 2006 թվականին  Roche ընկերության դուստր ձեռնարկության՝ Genentech-ի կողմից: Կրենեզումաբի փորձարկման երկրորդ փուլի արդյունքները պասվում են ընթացիկ տարվա երկրոդ կեսին, եւ որոշիչ դեր են ունենալու ընկերության հետագա քայլերի համար:

Վերջին 15 տարվա ընթացքում Ալցհեյմերի բուժման ավելի քան 100  փորձարարական դեղամիջոց անհաջողության են մատնվել: Վերլուծաբանները կարծում են, որ շուկա մուտք գործած իրականում արդյունավետ դեղամիջոցը կարող է տարեկան 10 միլիարդ դոլար շահույթ ապահովել: