Հայաստանի բժշկական հաստատությունները կտրամադրեն անվճար դեղեր

ՀՀ առողջապահության նախարարությունը Երեւանի եւ մարզերի բժշկական հաստատություններին հատկացրել է Միացյալ հայկական հիմնադրամի կողմից որպես մարդասիրական օգնություն ստացված հակաճնշումային, հակախոլեստերինային, հակաալերգիկ, էպիլեպսիայի եւ պրոստատիտի (շագանակագեղձի սուր կամ քրոնիկ բորբոքում) դեղեր ու հակաբիոտիկներ։

Մասնավորապես`

1. «Զետոննա (ցիկլեսոնիդ)» ցողացիր, որը կիրառվում է սեզոնային ալերգիաների ժամանակ

2. «Ռոլեյդս» անանուխի համով` անտացիդ միջոց է, օգտագործվում է ստամոքսի թթվայնության բարձրացման դեպքում

3. «Տամսուլոզին հիդրոքլորիդ» դ/պատիճ 0,4մգ, նշանակվում է պրոստատիտ (շագանակագեղձի սուր կամ քրոնիկ բորբոքում) հիվանդության բուժման համար

4.«Տոպիրամատ» դ/հատ 100մգ, 200մգ, այն կիրառվում է էպիլեպսիա հիվանդության ժամանակ:

Քաղաքացիները, որոնք վերը նշված դեղերի կարիքն ունեն` ըստ բժշկական ցուցումների, անկախ սոցիալական խմբից, կարող են դիմել Երեւանի եւ մարզերի տեղամասային պոլիկլինիկաներ եւ ամբուլատորիաներ, դրանք անվճար ձեռք բերելու նպատակով:

ՀՀ առողջապահության նախարարությունը երաշխավորում է մարդասիրական օգնության ճանապարհով ստացված եւ բնակչությանը հատկացվող բոլոր դեղերի որակը, անվտանգությունը եւ արդյունավետությունը։ Նախարարության կողմից տրամադրվող բոլոր այդ դեղերը պարտադիր անցնում են լաբորատոր փորձաքննություն եւ միայն դրական արդյունքների դեպքում է թույլատրվում դրանց ներմուծումը եւ հետագա հատկացումը բնակչության լայն խավերին:

Մարդասիրական ճանապարհով ստացված դեղերի մատակարարման անխափանությունն ապահովելու նպատակով հորդորում ենք խնդիրների դեպքում զանգահարել ՀՀ ԱՆ «թեժ գիծ» ծառայություն` 010-52-88-72 հեռախոսահամարով։

ԴԵՂԵՐԻ ԱՆՎԱՆԱՑԱՆԿ

• Ամպիցիլլին դ/պատիճ 250մգN100

• Ասպիրին դ/հատ 81մգ N32

• Բետասերկ (բետահիստին) դ/հատ 24մգ N20

• Զետոննա (ցիկլեսոնիդ) ցողացիր քթի

• Զիմաքսիդ (գատիֆլոքսացին) ակնակաթիլ 0.5% 2.5մլ

• Զիոպտան ակնակաթիլ 0.0015% 0.3մլ N10x3

• Էնալապրիլ դ/հատ 2.5մգ N100

• Իմոդիում /լոպերամիդ/ 2մգ N30

• Լևետիրացետամ դ/հատ 500մգ N500

• Լևոթիրոքսին նատրիում դ/հատ 112մկգ N100

• Լոզարտան /հիդրոքլորոթիազիդ դ/հատ5 0/12,5մգN100