Երեւանի քաղաքապետ Տարոն Մարգարյանի հանձնարարությամբ առաջիկա երկու շաբաթների շաբաթ եւ կիրակի օրերին՝ մարտի  21-22-ին եւ 28-29-ին, հերթապահություն է սահմանվել Երեւանի քաղաքապետարանի ենթակայության բոլոր այն պոլիկլինիկաներում, որոնք սպասարկում են մանուկներին։ Հերթապահությունն իրականացնելու են մանկաբույժները։ Այս մասին հայտնում են Երեւանի քաղաքապետարանի մամուլի ծառայությունից։

Միջոցառումն իրականացվում է սուր շնչառական հիվանդությունների հնարավոր սրացումներից խուսափելու՝ կանխարգելիչ նպատակով։