Կարմիր նախշով զուգարանի թուղթը կարող է արյունոտ թվալ, երբ այն խոնավանում է, իսկ զուգարանում արյան  հետքերը հաստ աղու քաղցկեղի ամենատարածված նշաններից են,  BMJ Case Reports ամսագրում հրապարակված  նամակում գրել է Պուլ  բրիտանական հինվանդանոցի պրոկտոլոգ Գայ Նեշը:

«Իրական արնահոսություն ունեցող հիվանդները կարող են արյունը սխալմամբ զուգարանի թղթի վրայի  կարմիր զարդանախշի հետ շփոթել»,- ասել է Նեշը:

Նա պատմել է , որ ինքը զուգարանում տեսել է արյան նման բան, բայց պարզվել է , որ դա զուգարանի թուղթը զարդարող կարմիր սրտիկներ են եղել: Ըստ բժշկի, արտարդրողներն ու հասարակությունը պետք է իմանան այդ ռիսկի մասին:

Մինչդեռ ոչ բոլոր բժշկական մասնագետներն են կիսում այս անհանգստությունը։

«Ես կարծում եմ, որ դա անհեթեթություն է»,- ասել է  Նյու Յորք նահանգի  Մանհեսսեթի North Shore հիվանդանոցի գաստրոէնտերոլոգ Դեվիդ Բերնշտեյնը: Նա նշել է, որ երբեւէ չի տեսել հիվանդի , ով շփոթել է զուգարանի թղթի զարդանախշը հաստ աղու քաղցկեղի  նշանների հետ, տեղեկացնում է Fox News-ը։

Արյունային կղանքն ավելի շատ ասոցացվում է  հեմորոյի քան հաստ աղու քաղցկեղի հետ, հայտարարել են երկու բժիշկներն էլ: Այլ պատճառներից կարող են լինել՝ հետանցքի ճաքը, դիվերտիկուլիտը կամ կոլիտը:

Զուգարանի կարմիր թուղթը միակ  բանը չէ, ինչը մարդիկ կարող են շփոթել արյան հետ:  Նեշն ասել է, որ իր հիվանդներից մի քանիսը հաղորդել են արնահոսության մասին, բայց պարզվել է, որ դրանից երեք օր առաջ նրանք բազուկ են կերել: