Մարդու օրգանիզմի վրա գենետիկորեն փոփոխված սննդամթերքի ազդեցությունը երբեք գնահատման չի ենթարկվել, այնուամենայնիվ  փաթեթավորված սննդամթերքի 80% -ը պարունակում է  ԴՆԹ-փոփոխված բաղադրիչներ:

Ավելին, գենետիկորեն փոփոխված սննդամթերքները ( սովորաբար անվանում են ԳՓՍ) սովորաբար այդպիսի մակնշում չեն պարունակում, ինչի պատճառով շատ դժվար է լինում դրանցից խուսափել:

«Հետազոտություններ չեն իրականացվել, եւ մենք փորձադաշտ ենք դարձել»,- Newsmax Health-ին ասել է հայտնի կանադացի գենետիկ Դեվիդ Սուզուկին:«Յուրաքանչյուրն, ով ասում է.  « Մենք գիտենք , որ դա բացարձակ անվտանգ է» կա՛մ  հիմար է, կա՛մ մտադրված ստում է»: Հարվարդի եւ Յելի համալսարանում կրթություն ստացած դիետոլոգ Ջեյսոն Կալտոնը իր կնոջ հետ համատեղ, նույնպես դիետոլոգի, գիրք է գրել, որը կոչվում է «Հարուստ սննդամթերքները՝ վատ սնունդ»: Գրքում շարադրված են ԳՓՄ-ի պոտենցիալ վտանգները:

Նրանց խորհուրդն է՝ ուտելկ օրգանական, թարմ սննդամթերք, տեղում աճեցված,  ԳՓՄ խուսափելու համար: Հիշեք, որ ավանդական կաթը եւ մսամթերքը ստացվում են  ԳՓՄ եգիպտացորենով, լյուցերնայով կամ սոյայով կերակրված կենդանիներից: Նույնը վերաբերում է նաեւ արհեստական  աճեցրած ձկներին:

Չնայած սննդամթերքները չունեն  ԳՓՄ մակնշում, Կարլտոններն ասում են , որ կա խորամանկություն, որը կարող է հայտնաբերել մրգերի եւ բանջարեղենի մեջ պարունակվող ԳՓՄ-ն: Ուշադրություն դարձրեք արտադրողի պիտակի վրայի թվին, որը կոչվում է PLU-կոդ:

Եթե այն քառանիշ թիվ է, որը սկսում է 3-ով կամ 4-ով, դա նշանակում է, որ այդ մթերքը ԳՓՄ չէ, բայց աճեցված է քիմիական նյութեր եւ պեստիցիդներ օգտագործող սովորական ագարակում:

Եթե պիտակի թիվը  9-ով սկսվող  հնգանիշ թիվ է, դա նշանակում է, որ մթերքը օրգանական է, աճեցվել է առանց քիմիական նյութերի , պեստիցիդների կամ  գենետիկ փոփոխությունների:  « Դուք կարող եք հանգիստ գնել այդ մթերքները»,- ասում է Կարլտոնը։

Բայց 8-ով սկսվող հնգանիշ թվով մթերքները գենետիկորեն փոփոխված են:

Քանի որ ԳՓՄ շատ տարածված են եւ նրանց վրա ոչ մի մակնշում չկա, անհնար է ամբողջությամբ խուսափել դրանցից: Այնուամենայնիվ, որոշ մրգեր եւ բանջարեղեններ շատ հազվադեպ են գենետիկորեն փոփոխված լինում,  հատկապես՝ սոխը, արքայախնձորը, ավոկադոն, սիսեռը, մանգոն, ծնեբեկը, սմբուկը, կիվին, դդումը, կաղամբը, քաղցր կարտոֆիլը, թուրինջը եւ սունկը:

Առավել հավանական գենետիկորեն փոփոխված մթերքներն են՝ խնձորը, նեխուրը, քաղցր պղպեղը, դեղձը, ելակը, նեկտարինը, խաղողը, սպանախը, սալաթի տերեւները, վարունգը, հապալասը, կարտոֆիլը, կանաչ լոբին,  կանաչ կաղամբը, եգիպտացորենը, բալը եւ կծու պղպեղը: