Գեղարքունիքի մարզի Վահան գյուղում եւ Ճամբարակ քաղաքում արձանագրված սննդային թունավորման հետեւանքով նոր հիվանդներ չեն հայտնաբերվել։ 55 տուժածից 51-ը Վահան գյուղից է, 4-ը` Ճամբարակից: Նրանցից 33-ը հոսպիտալացվել էր Ճամբարակի առողջության կենտրոնում։ Այսօր ժամը 10:00-ի դրությամբ այնտեղ բուժումը շարունակում է 5 հիվանդ, որից 2-ը՝ 0-18 տարեկան:

Ամբուլատոր պայմաններում բուժում է ստացել 22 տուժած:

Նոր հիվանդներ հայտնաբերելու նպատակով բակային համայցերը շարունակվում են: Հիվանդների վիճակը ներկայումս բավարար է՝ առողջացման միտումով:

Հիվանդներից վերցված կենսաբանական, ինչպես նաեւ օջախներից վերցված թթի եւ դրա մնացորդների նմուշներում հայտնաբերվել է «Salmonella typhimurium», որն էլ հաստատում է թթի միջոցով աղիքային վարակի տարածումը: