նախընտրելի դարձնել
Դեպքերի մեծամասնությունում մանկական վիտամինային հավելումների միջին պարունակությունը գերազանցում է խորհուրդ տրվող դեղաչափը, հաստատել են բժիշկները:
Նոր հետազոտության համար, Մայքլ Մադդենը եւ նրա գործընկերներն ուսումնասիրել են սննդային հավելումների պիտակների վրա գրված տեղեկատվությունը: Մադդենը հետազոտության առաջատար հեղինակն է Փենսիլվանիա նահանգի, Լեյք Էրի օստեոպաթիկ բժշկության քոլեջից, հաղորդում է Fox News-ը։
Նրանք ուսումնասիրել են 12 ամսականից փոքր երեխաների համար նախատեսված 21 հավելումների եւ 12 ամսականից մինչեւ չորս տարեկան երեխաների համար նախատեսված 172 հավելումների պիտակներ:
Ընդհանուր առմամբ նրանք ուսումնասիրել են կրծքի հասակի երեխաների համար նախատեսված ինը առանձին վիտամինային հավելում եւ 14 սննդային հավելում՝ նախատեսված բարձր տարիքի երեխաների համար:
Նրանք բացահայտել են, որ վիտամին D-ն միակ վիտամինն է եղել, որը երկու տարիքային խմբերի համար նախատեսված սննդային հավելումներում չի գերազանցել նորման:
Բարձր տարիքի երեխաների համար նախատեսված հավելումներում վիտամին C-ի մակարդակը հինգ անգամ բարձր է եղել խորհուրդ տրվող թվից:
