Երկու վիրահատությունից հետո Կարո Սիմոնյանը, ում ձեռքը պոկվել էր  շինարարական աշխատանքների ժամանակ, իրեն նորմալ է զգում, օրգանիզմի կողմից ձեռքի մերժում չկա: Այս մասին NEWS.am Medicine-ին հայտնեց Երեւանի բժշկական համալսարանի պլաստիկ վիրաբուժության ամբիոնի վարիչ Արտավազդ Սահակյանը:

Վիրաբույժի խոսքով, տղայի գիտակցությունը տեղում է, բայց նա դեռեւս գտնվում է վերակենդանացման բաժանմունքում, եւ այցելել նրան դեռեւս չի կարելի:

Հիշեցնենք, որ հունվարի 27-ին Երեւանի  թիվ №1  համալսարանական կլինիկական հիվանդանոց էր տեղափոխվել  1993  թվականին ծնված Կարո Սիմոնյանը՝ արմնկային հոդի շրջանից պոկված  ձեռքով: Դժբախտ պատահարը տեղի է ունեցել «Դալմա» առեւտրի կենտրոնից  ոչ հեռու, որտեղ շինարարական աշխատանքներ են տարվում: Սիմոնյանի ձեռքը մնացել է վերելակի եւ  պատի արանքում: Նրան երկու վիրահատություն են կատարել: