Որոշ HPV- թեստեր կարող են գրեթե  նույն ճշգրտությամբ հայտնաբերել նախաքաղցկեղային բջիջները, ինչ կինիկայում կատարվող թեստերը, համաձայն վերջին հետազոտությունների:

Ինքնուրույն վերցված նմուշները, ի տարբերություն  բժշկի կողմից վերցրածների, ընդամենը 11%-ով են ավելի նվազ զգայուն եղել նախաքաղցկեղային գոյացությունների հայտնաբերման հարցում:

HPV-ի (մարդու պապիլոմավիրուս) որոշ շտամներ անմիջականորեն կապված են արգանդի վզիկի քաղցկեղի առաջացման հետ, այն ժամանակ, երբ մյուսները չունեն բացասական ազդեցություն կնոջ օրգանիզմի վրա:

«Արգանդի վզիկի քաղցկեղի հայտնաբերման նոր չափանիշ են HPV-թեստերը, այլ ոչ թե Պապանիկոլաուի քսուքը» ,- ասել է Բրյուսելի  առողջապահության գիտահետազոտական ինստիտուտի քաղցկեղի համաճարակաբանության բաժնից Մարկ Արբին:

2010 թվականին ԱՄՆ-ում գրեթե 4000 կին մահացել է արգանի վզիկի քաղցկեղից, համաձայն հիվանդությունների վերահսկման եւ կանխարգելման Կենտրոնների (CDC) տվյալների: Միեւնույն ժամանակ  2011 թվականի հետազոտությունը ցույց է տվել, որ 14-59 տարեկան կանանց ու աղջիկների 43% -ը վարակված է HPV-ով:

Արբինը եւ նրա թիմը 36 հետազոտությունների ընթացքում համեմատել են կանանց կողմից վերցրած թեստերի  HPV անալիզների հստակությունը բժիշկների կողմից վերցրածների հետ: Հետազոտության մեջ ներգրավված են եղել ընդհանուր առմամբ 154,556 կին:

Միջինում, HPV թեստերը հայտնաբերել են չափավոր նախաքաղցկեղային գոյացությունների 76%-ը եւ  ծանր քաղցկեղային գոյացությունների 84%-ը: