նախընտրելի դարձնել
Հուլիսի 21-22-ին Թալինի բժշկական կենտրոնի ինֆեկցիոն բաժանմունք է դիմել 16 երեխա՝ 10-11 տարեկան, որոնք գանգատվել են ջերմության բարձրացումից, սրտխառնոցից, որովայնի ցավից, լուծից, փսխումից: Այս մասին հայտնում Հայաստանի առողջապահության նախարարությունը։
Երեխաներից 11-ի վիճակը գնահատվել է միջին ծանրության, որոնք հոսպիտալացվել են: Մնացած երեխաների նկատմամբ կազմակերպվել է ամբուլատոր բուժում: Այսօր բոլորի վիճակը բավարար է, ունեն առողջացման դրական տեղաշարժ:
Հիվանդության առաջացման սննդային և ջրային գործոնը պարզաբանելու, ինչպես նաև հետագա տարածումը կանխելու նպատակով՝ անմիջապես կազմակերպվել են կանխարգելիչ և հակահամաճարակային միջոցառումներ:
Մասնավորապես`
1. լաբորատոր հետազոտությունների նպատակով հիվանդներից վերցվել են կենսանմուշներ, արդյունքում հայտնաբերվել է շիգելլա (զոննե),
2. նոր հիվանդների վաղաժամ հայտնաբերման համար իրականացվում են բակային համայցեր,
3. հիվանդների տնային օջախներում իրականացվել են ախտահանման աշխատանքներ,
4. հետազոտվել է շրջակա միջավայրը, խմելու ջուրը և սննդամթերքը,
5. իրականացվել է բժշկահիգիենիկ գիտելիքների քարոզչություն:
