նախընտրելի դարձնել
Դինամիկ ձգումները վերջերս ավելի ու ավելի տարածված են դառնում եւ հիանալի հնարավորություն տրամադրում մարզումից առաջ մկանները տաքացնելու ու մարմինը ֆիզիկական աշխատանքի նախապատրաստելու համար: Այս ձգումների իմաստն այն է, որ ակտիվորեն շարժվում են հոդերն ու մկանները՝ ընդ որում՝ շարժումները տարբերվում են ստատիկ ձգումների դեպքում արվող շարժումներից:
Քլիվլենդի կլինիկայի մասնագետները 6 խորհուրդ ունեն՝ այս ձգումներն անողներին.
- Վերահսկեք ձեր բոլոր շարժումները ձգումների ժամանակ
- Սկսեք դանդաղ ձգումներից, որպեսզի մարմինը սովորի շարժումներին
- Ձգումներից առաջ 3-5 րոպե նվիրեք աէրոբային վարժություններին՝ վազքին կամ հեծանիվին:
- Դինամիկ ձգումներին 6-12 րոպե տրամադրեք, ոչ ավել
- Դինամիկ ձգումներից հետո սկսեք մարզվել 5 րոպեից ոչ ուշ
- Չափից դուրս մի ծանրաբեռնվեք
Դինամիկ ձգումներն ընդդեմ ստատիկ ձգումների
Նրանց միջեւ, ինչպես կարող էիք կռահել, որոշակի տարբերություն կա: Մասնագետների խոսքով՝ դինամիկ ձգումները, ի տարբերություն ստատիկ ձգումների, դրական են ազդում ուժային պարապմունքների արդյունքների վրա: Մասնագետները նկատել են նաեւ, որ բասկետբոլիստները, որոնք մարզումներից առաջ համակցում են դինամիկ ձգումները պոլիոմետրիկ ձգումների հետ, ավելի լավ արդյունքներ են ցույց տալիս եւ ավելի բարձր ցատկում: Մյուս կողմից՝ ստատիկ ձգումները կարող են բացասաբար ազդել հավասարակշռության վրա:
Դինամիկ ձգումների մեկ այլ դրական կողմ էլ կայանում է նրանում, որ դրանք նախապատրաստում են մարմինը որոշ վարժությունների, սակայն չեն կարողանում այն ճկուն դարձնել: Մասնագետների խոսքով՝ ավելորդ ճկունությունը որոշ սպորտաձեւերում կարող է միայն խանգարել:
