նախընտրելի դարձնել
Մարզային բուժհաստատություններին օժանդակելու նպատակով, ինչպես նաեւ բնակչության դեղերով ապահովումը եւ հասանելիությունը բարելավելու համար ՀՀ առողջապահության նախարար Արմեն Մուրադյանի հանձնարարությամբ սահմանամերձ բնակավայրերին հերթական անգամ դեղեր եւ բժշկական ապրանքներ են հատկացվել:
ՀՀ առողջապահության նախարարության «Մարդասիրական օգնության հանրապետական կենտրոնի» միջոցով` այս անգամ Տավուշի մարզի Այգեձորի, Չինարի, Մովսեսի, Ներքին կարմիրաղբյուրի, Պառավաքարի եւ Սեւքարի ամբուլատորիաներին տրամադրվել են մարդասիրական օգնությամբ ստացված թվով 352 անուն դեղ եւ 690 անուն բժշկական նշանակության ապրանք:
Նշենք, որ հատկացված դեղերը հիմնականում առաջին անհրաժեշտության են, պարագաները` նախատեսված են անհետաձգելի եւ նեղ մասնագիտական բժշկական օգնություն կազմակերպելու համար:
