նախընտրելի դարձնել
Ամուսնական կյանքի դժվարությունների մասին ֆիլմերի համատեղ դիտումը ու դրանցում առկա խնդիրների քննարկումը կարող է այնքան օգտակար լինել ամուսնալուծությունների թվի կրճատման հարցում, որքան ավանդական ամուսնական խորհրդատվությունը:
Consulting and Clinical Psychology ամսագրում հրապարակված կարծիքները ցույց են տվել, որ կինոֆիլմերի մեթոդն օգնել է կրճատել ամուսնալուծությունների մակարդակը՝ երեք տարվա ընթացքում 24%-ից իջեցնելով 11%-ի: Այս ցուցանիշը համեմատելի է մասնագիտացված խորհրդատվությունների դեպքում ստացված արդյունքների հետ:
«Պետք է հանգիստ նստել եւ օբյեկտիվ հայացք գցել ձեր հարաբերությունների վրա. դա օգտակար է յուրաքանչյուր զույգի համար, անկախ այն բանից, թե ինչ մակարդակի են նրանց հարաբերությունները»,- ասում է հետազոտությունների հեղինակ Ռոնալդ Ռոգգենը:
«Կարող եք ամեն տարի ամուսնության տարելիցին այսպիսի նվեր պարգեւել ինքներդ Ձեզ. միասին ֆիլմ դիտեք և խոսեք դրա մասին» :
Հետազոտության համար 174 զույգ բաժանվել են 3 խմբի և անցել են ամուսնական տարբեր խորհրդատվություններ: Ֆիլմի խմբում եղած զույգերին հատկացվել է ֆիլմերի ցանկ, եւ նրանք պետք է շաբաթական մեկ ֆիլմ դիտեին: Մասնակիցներին խնդրել են խոսել ֆիլմում ներկայացված ամուսնական խնդիրների մասին և դրանք կապել իրենց սեփական խնդիրների հետ:
Փորձեք ինքներդ այս մեթոդը` օգտագործելով հետազոտության ժամանակ ընտրված ֆիլմերը՝
«Աստղի ծնունդը»
«Ադամի կողը»
«Աննա Կարենինա»
«Գինու եւ վարդերի օրերը»
«Հրաժեշտ Փարիզին»
«Ֆրանսիական թվիստ»
«Ծիծաղելի աղջիկը»
«Քամուց քշվածները»
«Գուշակիր, ո՞վ է գալու ճաշին»
«Հաննովեր-սթրիտ»
«Տրոպիկական տենդ»
«Պարոն Բլեյդինգսը կառուցում է իր երազանքների տունը»
«Իմ սիրելի կինը»
«Նինան սիրեկան է պահում»
«9 ամիս»
«Պետը եւ Մայքը»
«Քնքշության լեզուն»
«Սատանայի փաստաբանը»
«Եկվորները»
«Նիհար մարդը»
«Երկու սրտերի հանդիպումը»
«Վայրի սիրտը»
«Երբ տղամարդը սիրում է կնոջը»
«Ո՞վ է վախենում Վիրջինիա Վուլֆից»
Ինչպիսի՞ խնդիրներ են տվյալ զույգի մոտ: Արդյո՞ք այդ խնդիրներից որոշները նման են այն խնդիրներին, որոնց միջով անցել եք կամ կարող եք անցնել որպես ամուսիններ:
Արդյո՞ք զույգի միջև առկա է ամուր ընկերական կապ: Կարողացե՞լ են միմյանց աջակցել վատ տրամադրության, սթրեսային օրերի և դժվար ժամանակների դեպքերում: Լսու՞մ են միմյանց որպես լավ ընկերներ: Արդյո՞ք ֆիլմում զույգերը ներողամիտ են և քնքուշ միմյանց հանդեպ:
Արդյո՞ք նման են այս հարաբերությունները ձեր հարաբերություններին, և եթե այո, ապա ինչպե՞ս: Եթե ո՛չ, ապա ինչո՞վ են տարբերվում:
