Ռինոպլաստիկա կատարած հիվանդների մոտ մի փոքր ռնգախոսություն է դիտվում վիրահատությունից հետո  հետագա հինգ ամիսների ընթացքում, համաձայն Իրանում իրականացված նոր հետազոտության:

27 վիրահատությունների արդյունքները ցույց են տվել, որ  «ձայները փոխվել են վիճակագրորեն զգալի  երանգներով, բայց փոփոխությունները եղել են հազիվ նկատելի», Reuters Health-ին ասել է բժիշկ Կամրան Խազաենին:

ԼՕՌ վիրաբույժ Խազաենին  Իրանում Մեշհեդի բժշկական գիտությունների համալսարանում աշխատել է մի հետազոտության վրա: 22 կին եւ 5 տղամարդ մասնակիցներ «փոփոխություններ են նկատել, բայց ընդհանուր առմամբ գոհ են եղել», - ասաել է Խազաենին: Հիվանդները եղել են 18-ից  45 տարեկան: 

Լեզվաբանների եւ  արատաբանների թիմը , լսելով հիվանդների  վիրահատությունից հետո կատարված ձայնագրությունները, բացահայտել են ավելի արտահայտված քթային ձայներ:  Արդյունքները հաստատվել են մասնակիցների կողմից եւ  ակուստիկ ձայները վերլուծող համակարգչային ծրագրի միջոցով:

Plastic and Reconstructive Surgery ամսագրի փետրվարյան  համարի իր հոդվածում Խազաենին եւ իր թիմն ասել են,  որ , եթե ռինոպլստիկան մարդու քթի խոռոչի  նեղացման միջոցով կարող է փոխել մարդու ձայնային տվյալները, ապա մարդիկ, ում աշխատանքը հիմնված է իրենց ձայնի վրա, պետք է տեղեկացված լինեն այս կարեւոր ռիսկի մասին:

Հետազոտությունը հետաքրքիր հարցեր է բարձրացնում, օրինակ, ինչու՞ ներկա պահին այս արդյունքները  վերլուծվում են Իրանում, այլ ոչ թե Հյուսիսային Ամերիկայում, ասել է բժիշկ Մինաս Կոնստանտինիդեսը: Հետաքրքական է, որ իր կատարած ավելի քան 2000 ռինոպլաստիկաներից հետո Կոնստանտինիդեսը ասաց, որ ընդամենը մեկ հիվանդ է  անհանգստություն  հայտել իր ձայնի քթային երանգի վերաբերյալ:

Կոնստանտինիդեսը իրականացնում է դիմային պլաստիկ վիրաբուժություն Նյու Յորքում եւ Ամերիկայան դիմային պլաստիկ եւ վերականգնողական վիրաբուժության  ակադեմիայի անդամ է: Նա մասնակցություն չի ունեցել նոր հետազոտությանը: