նախընտրելի դարձնել
«Հրազդան» ԲԿ-ի տնօրեն Ռոբերտ Սահակյանը հերքում է այն լուրերը, որ Հրազդան քաղաքում կտրուկ ավելացել է ջրծաղիկով հիվանդների քանակը: Այս մասին նա փետրվարի 11-ին ասել է NEWS.am Medicine-ի թղթակցին:
Սահակյանի խոսքով , այս պահին նրանք ունեն ընդամենը 5 կամ 6 ջրծաղիկով հիվանդ:
Այն հարցին, արդյոք կարող են երեխաները հիվանդ լինել եւ չդիմել բժշկի, Սահակյանը պատասխանեց, որ դա քիչ հավանական է, քանի որ դպրոցականները դասերը բաց թողնելու դեպքում պետք է բժշկի տեղեկանք ներկայացնեն, իսկ տեղեկանք նրանք կստանան միայն բուժհաստատություն դիմելու դեպքում:
Նշենք, որ այսօր հայկական մամուլում հաղորագրություններ են հայտվել այն մասին, որ Հրազդանի գրեթե բոլոր դպրոցներում ջրծաղիկով հիվանդներ կան, իսկ հունվարին գրանցվել է հիվանդացության 58 դեպք:
