նախընտրելի դարձնել
Շուտով արյան անալիզին կարող է փոխարինել Դաունի համախտանիշի վերաբերյալ ինվազիվ թեստը: Այդ թեստը կառաջարկեն Մեծ Բրիտանիայի բոլոր հիվանդանոցներում:
Նոր անալիզը նախատեսում է դեռեւս չծնված երեխաների բջիջների ԴՆԹ-ի ստուգում մայրական արյան միջոցով: Անցյալ տարի Անգլիայի հարավ-արեւելքում 11 692 կնոջ մասնակցությամբ անցկացված կլինիկական հետազոտությունները բավականին տպավորիչ արդյունքներ են տվել, որոնք հաստատել են թեստի բարձր վստահելիությունը: Առաջարկում են հաջորդ շաբաթվանից արյան այդ անալիզը կիրառել Մեծ Բրիտանիայի բոլոր բուժական հաստատություններում:
Առկա անալիզներն ամեն տարի անցկացվում են ավելի քան 21 000 կնոջ շրջանում, որոնք ռիսկի բարձր խմբի մեջ են մտնում: Դրանք իրենց մեջ ներառում են հղիության 11-14-րդ շաբաթվա ընթացքում գերձայնային հետազոտություն, որը չափում է արյան մեջ հորմոնների մակարդակը: Եթե Դաունի համախտանիշի եւ այլ վիճակների (նորածինների համար մահացու Էդվարդի կամ Պատաուի համախտանիշների) ռիսկը կազմում է 1-ը 150-ի, ապա կնոջը սպասում է ավելի բարդ ինվազիվ պրոցեդուրա: Դա իր մեջ ներառում է ասեղը արգանդի մեջ մտցնելը ընկերքից հեղուկ վերցնելու համար, ինչը մեծացնում է վիժման վտանգը:
Ինվազիվ մեթոդը 99% ճշգրտություն է ապահովում, ու չնայած ԴՆԹ-ի նոր թեստը, իր անվտանգությամբ հանդերձ, չի կարող նույնքան ճշգրիտ լինել, որքան ինվազիվ մեթոդները, այն, այնուամենայնիվ, ավելի ճշգրիտ է, քան առկա գերձայնային հետազոտությունները եւ արյան անալիզները:
Այդ հետազոտության մասին գրում է Ultrasound in Obstetrics and Gynecology ամսագիրը:
