Մեր բժշկական թեստերը կարող են քաղցկեղ առաջացնել: ԱՄՆ-ի լավագույն սրտաբաններից մեկը, Չոնսի Կրանդալն ասում է,  որ բարձր դոզաներով ճառագայթային վիզուալիզացնող մեթոդները  հաճախ են օգտագործվում, իսկ ԿՏ-ի, ռենտգենի եւ այլ թեսթերի ճառագայթումը բարձրացնում են քաղցկեղի ռիսկը: Ինչքան շատ է հիվանդը ճառագայթվում, այդքան բարձրանում է նրա մոտ քաղցկեի զարգացման ռիսկը:

Անցյալ տասնամյակում ճառագայթման բարձր դոզայով  ախտորոշիչ թեստերը կիրառվում էին լուրջ հիվադությունների դեպքում: Իսկ հիմա արդեն ոչ, ասում է բժիշկ Քրանդալը:

Ճառագայթման վտանգը կուտակային է, այդ պատճառով, երբ ԿՏ իրականացվում է այլ ճառագայթային-ախտորոշիչ թեստերի հետ զուգահեռ, ինչպիսիք են ստոմատոլոգիական ռենտգենը, կրծքավանդակի ռենտգենը, մամոգրաֆիան, ոսկրերի խտության թեստավորումը եւ այլն, ճառագայթման ազդեցությունը կարող է ահռելի լինել, եւ դա կարող է քաղցկեղի ռիսկի հանգեցնել:

«Այս թեսթերի խնդիրն այն է, որ նրանք իոնիզացնող ճառագայթում են արձակում, որը կարող է ԴՆԹ-ի  վնասման հանգեցնել եւ  երկար ժամանակ կապված է եղել քաղցկեղի զարգացման հետ»,- ասաց բժիշկ Քրանդալը, հաղորդում է Newsmax Health-ը։ 

Բժիշկ Քրանդալը խորհուրդ է տալիս այս հարցերը տալ բժշկին , ԿՏ-ի  կամ այդ տեսակի ճառագայթում օգտագործող այլ թեսթերի իրականացումից առաջ՝

Արդյո՞ք անհրաժեշտ է այս թեսթը: Իմ առողջության մասին ին՞չ կիմանաք դուք այս թեսթի միջոցով, ինչը չէիք կարող իմանալ այլ միջոցներով:

Այս թեսթը դուք խորհւորդ եք տալիս առաջատար կլինիկական ձեռնարկների համաձա՞յն:

Արդյոք կա՞ն ճառագայթում չօգտագործող թեսթեր, որոնք կարող են  ձեզ անհարժետշ տեղեկություններ տալ:

Արդյո՞ք օգտագործվող սարքավորումը օգտագործելու է հնարավորինս  նվազագույն քանակի ճառագայթում:

Ճառագայթում օգտագործող թեսթ իրականացնելուց առաջ ձեր բժշկին տեղյակ պահեք մյուս ճառագայթումների մասին, որոնց դուք ենթարկվել եք վերջի տարիների  ընթացքում: