Ատամնաբույժների ու նրանց օգնականների մասնագիտությունը առաջին տեղն է զբաղեցրել ամենաանառողջ մասնագիտությունների ցանկում, քանի որ այդ մասնագետներն ամեն օր վտանգավոր ինֆեկցիաների հետ գործ ունեն:

Այդ ցանկը կազմել է Business Insider–ը՝ Occupational Information Network (O*NET) մասնագիտությունների ամերիկյան օնլայն բազայի տվյալների հիման վրա: Այդ բազայում հաշվի են առնված այս կամ այն ոլորտի աշխատանքային ռիսկերը: Ցանկ կազմելիս՝ մասնագետները հաշվի են առել մասնագիտության հետ կապակցված տարբեր ռիսկեր,օրինակ վստանգավոր նյութերի ազդեցությունը, աշխատանքը հիվանդությունների ու վարակների հետ, վնասվածքներ ու ճառագայթում ստանալու հավանականությունը: Այդ բոլոր ռիսկերը գնահատվել են 0-ից 100 սանդղակով եւ մասնագիտություններից յուրաքանչյուրին վերջնական գնահատական է տրվել:

Այս ցանկում ատամնաբույժներին հաջորդում են բորտուղեկիցները (որոնց նույնպես վարակվելու մեծ վտանգ է սպառնում, քանի որ նրանք փակ տարածքում են աշխատում մարդկանց հետ, բացի դրանից նրանք կարող են վառվել այն սնունդով կամ ըմպելիքներով, որոնք ուղեւորներին են բաժանում), անեսթեզիոլոգները, անասնաբույժները ու մանկաբույժները:

Հետաքրքիր է, որ ամենաանառողջ 27 մասնագիտությունների ցանկում են հայտնվել նաեւ այն մարդիկ, որոնք մարմինը նախապատրաստում են հողին հանձնելուն ՝ նրանք նույնպես իրենց աշխատանքի բերումով կարող են բախվել վտանգավոր քիմիկատների ու ինֆեկցիաների:

Ներկայացնում ենք անառողջ մասնագիտությունների ցանկն ու նրանց ստացած գնահատականները:

  • Ատամնաբույժներ, ատամնաբուժական վիրաբույժներ ու նրանց օգնականները -65.4 («անառողջության» ընդհանուր գնահատականը)
  • Բորտուղեկիցներ -62.3
  • Անեսթեզիոլոգներ, նրանց օգնականներն ու բուժքույրերը -62.3
  • Անասնաբույժներ, նրանց օգնականներն ու տեխնիկները -60.3
  • Մանկաբույժներ -60.2
  • Իմիգրացիոն ու մաքսային տեսուչներ -59.3
  • Գիստոտեխնոլոգներ -59
  • Ջրազտման կայանների օպերատորներ -58.2
  • Ստացիոնար ինժեներներ ու կաթսայատների օպերատորներ -57.7
  • Վիրաբույժների օգնականներ, տեխնոլոգներ ու տեխնիկներ -57.3
  • Նավթային ու գազային աշտարակների օպերատորներ -56
  • Օդաչուներ, երկրորդ օդաչուներ, բորտինժեներներ- 55. 7
  • Մարդիկ, որոնք բժշկական սարքավորումներ են պատարստում -55.7
  • Միջուկային սարքավորումների հարցերով օպերատորներ -55.2
  • Աղբ ու վերամշակվող նյութեր հավաքող մարդիկ- 55
  • Հրակայուն նյութերի վերանորոգողներ -54.8
  • Լեռնային արդյունաբերության մեջ գործածվող մեքենաների օպերատորներ-54
  • Շտապ օգնության տեխնիկներ ու ֆելդշերներ -54
  • Քիմիական գործարանների օպերատորներ -53.7
  • Սպասարկման բլոկի օպերատորներ / նավթի, գազի ու լեռնային արդյունաբերություն /-53.7
  • Ինտենսիվ թերապիայի բաժանմունքում աշխատող բուժքույրեր– 53.52
  • Սառցախցերի մեխանիկներ – 53.3
  • Միջուկային բժշկության տեխնոլոգներ – 53
  • Մոնտաժնիկներ ու վերելակներ վերանորոգողներ – 52.8
  • Դիահերձողներ -52.8
  • Մետաղանավթավերամշակման վառարանների օպերատորներ -52.8
  • Ռադիոլոգներ -52.8