Հղիության ընթացքում նախաէկլամպսիայի զարգացման հավանականությունը այժմ կարելի է ի հայտ բերել դեռեւս 6-րդ ամսում: Վերջին եռամսյակում նախաէկլամպսիայի զարգացման  ռիսկը մշակվել է Այովայի համալսարանի (University of Iowa)  գիտնականների կողմից` Մարկ Սանտիլիանի  (Mark Santillan) ղեկավարությամբ:

Գիտնականները մարդու սաղմնային ցողունային բջիջների նոր տեսակ են հայտնաբերել. Այդ բջիջների ուսումնասիրությունը հնարավորություն կտա բացատրել նախաէկլամպսիայի ի հայտ գալու պատճառները: 

Նախաէկլամպսիան բնութագրվում է բարձր ճնշմամբ եւ մեզի մեջ սպիտակուցների բարձր մակարդակով:  Դա կարող է մոր եւ երեխայի համար լուրջ հետեւանքներ առաջ բերել. նախածննդյան զարգացման դանդաղում, բազմաօրգանային անբավարարություն կամ էլ մոր մոտ ուղեղի կաթված:   Հաճախ այդ բարդացումներից խուսափելու միակ պատճառը արհեստականորեն արագացված ծնունդն է:  

Այժմ գիտնականները սովորել են կանխատեսել նախաէկլամպսիայի զարգացման ռիսկը` գնահատելով հղիության 6-րդ շաբաթում կոպեպտինի սպիտակուցի խտացումը:  Կոպեպտինը արգինին-վազոպրեսինի նյութափոխանակության միջանկյալ արտադրանք է: Մկների վրա փորձարկումներում գիտնականները ցույց են տվել, որ արգինին-վազոպրեսինը մասնակցում է նախաէկլամպսիայի զարգացմանը:

Հղիության վաղ փուլերում այդ բարդացման առաջացման ռիսկի ի հայտ բերումը բժիշկներին կօգնի հղիության վերահսկման վստահելի մարտավարություն մշակել: