նախընտրելի դարձնել
Վիրաբույժների հայկական ասոցիացիայի դեկտեմբերի 4–ին կայացած հերթական նիստի ժամանակ նոր նախագահի պաշտոնում միաձայն ընտրվեց ԵՊԲՀ Վիրաբուժության թիվ 4 ամբիոնի վարիչ, «Հերացի» թիվ 1 համալսարանական հիվանդանոցի վիրաբուժական կլինիկայի ղեկավար, պրոֆեսոր Մուշեղ Միրիջանյանը: Նիստին մասնակցում էր նաեւ ՀՀ առողջապահության նախարար Արմեն Մուրադյանը:
ՀՀ ԱՆ գլխավոր վիրաբույժ, պրոֆեսոր Հովհաննես Սարուխանյանը նիստի բացման խոսքում նշեց, որ նիստը հրավիրված է նոր նախագահություն ընտրելու նպատակով:
Հովհաննես Սարուխանյանը ղեկավարել է այս մասնագիտական միավորումը 1987 թվականից սկսած: Նա համառոտ ներկայացրեց մեր երկրում վիրաբուժության սկզբնավորման, կայացման եւ զարգացման ուղին: Պրոֆեսորը անդրադարձավ, թե հաջողություններին, թե խնդիրներին:
Ողջունելով ասոցիացիայի անդամներին ՀՀ առողջապահության նախարար Արմեն Մուրադյանը եւս մեկ անգամ կարեւորեց մասնագիտական միավորումների հետ արդյունավետ համագործակցությունը: Նախարարի գնահատմամբ` ասոցիացիաները պետք է մասնակից լինեն առողջապահության համակարգում որակի ձեւավորման, էթիկական, ինչպես նաեւ բժիշկի գործունեությանը վերաբերող այլ մասնագիտական խնդիրների լուծման գործընթացին:
«Մասնագիտական միավորումների հետ համագործակցությունը մեր աշխատանքի կարեւոր մասն է: Մենք սերտ աշխատում ենք մասնագիտական միավորումների հետ` զարգացնելով տարբեր ուղղություններ»,- նշեց Արմեն Մուրադյանը: Նա մեծապես կարեւորեց ավանի վիրաբույժ Հովհաննես Սարուխանյանի անգնահատելի ներդրումը Հայաստանում վիրաբուժության զարգացման եւ այս ասոցիացիայի ղեկավարման գործում:
Նիստի ընթացքում Հովհաննես Սարուխանյանը ճանաչվեց ասոցիացիայի պատվավոր նախագահ:
