նախընտրելի դարձնել
Ուկրաինայում գրիպի համաճարակի զոհերի թիվը հասել է 171 մարդու, տեղեկացրել են Առողջապահության նախարարության մամուլի ծառայությունից:
«Համաճարակային սեզոնի սկզբից ի վեր գրիպից մահացության լաբորատոր եղանակով հաստատված 171 դեպք է գրանցվել, որոնցից երկուսը մինչեւ 17 տարեկան երեխաներ են», - ասված է հաղորդագրության մեջ:
Գերատեսչության տվյալներով, Ուկրաինայում համաճարակային սեզոնի սկզբից ի վեր գրիպով եւ ՍՇՎ-ով հիվանդությունների ավելի քան 3,2 մլն դեպք է գրանցվել, հիվանդացել է երկրի բնակչության 8,3 տոկոսը: Հիվանդների ընդհանուր թվի 62,9 տոկոսը կազմում են մինչեւ 17 տարեկան երեխաները:
Ուկրաինայում գրիպ եւ ՍՇՎ ընդհանուր ախտորոշմամբ հիվանդանոց է տեղափոխվել 127 հազար մարդ, որոնց 67,9 տոկոսը մինչեւ 17 տարեկան երեխաներ են:
