2015-ին Հայաստանի քաղաքացիներից 367 բողոք է ստացվել` կապված  բժշկա-սոցիալական փորձաքննության գործակալության գործունեության հետ, որի միջոցով որոշակի հիվանդություններով մարդիկ կարող են հաշմանդամություն ստանալ:  Այդ բողոքներից 8-ը կոռուպցիայի մեղադրանքներ են: Այդ մասին լրագրողներին հայտնել է բժշկասոցիալական փորձաքննության գործակալության ղեկավար Արմեն Սողոյանը: 

Նրա խոսքով, 2014-ին ավելի շատ բողոքներ են եղել, քան 2015-ին` 490, սակայն կոռուպցիայի միայն մեկ մեղադրանք է եղել: Արմեն Սողոյանը նաեւ նշել է, որ անցյալ տարի բողոքների մեծամասնությունը կապված էր հանձնաժողովի վճիռների հետ քաղաքացիների անհամաձայնության հետ, իսկ վատ կամ անհարգալից վերաբերմունքից, ի տարբերություն անցյալ տարիների, քիչ էին բողոքում: 

Նվազել է նաեւ Հայաստանի Առողջապահության նախարարության թեժ գծի զանգ-բողոքների քանակը.  2015-ի առաջին երեք ամսվա ընթացքում 12, 18 եւ 13 զանգ է ստացվել, իսկ նույն տարվա երեք ամսվա ընթացքում` ընդամենը 1, 1 եւ 3:

Ինչպես ցույց է տվել կոռուպցիայի եւ կաշառքի պահանջների վերաբերյալ ստացված բողոքների հետաքննությունը, դեպքերի մեծամասնությունը, որոնց մասին խոսում էին քաղաքացիները, իրականում տեղի է ունեցել շատ տարիներ առաջ:  Օրինակ` մի տղամարդ բողոքում էր, որ հաշմանդամության համար իրենից 300 դոլար են պահանջել: Պարզվել է, որ դա տեղի է ունեցել դեռեւս 2004 թվականին: Մեկ ուրիշ քաղաքացի` սահմանամերձ գյուղի բնակիչ, ասել է, որ իրենից հաշմանդամության համար ոչխար են պահանջել…   1992-ին: