նախընտրելի դարձնել
Հայաստանի առողջապահության նախարարի տեղակալ Գագիկ Միրիջանյանը խոստացել է երաշխավոր հանդիսանալ օրթոպեդիկ արտադրանք թողարկող իրանական CHIPSO ընկերության համար, որը Հայաստանում «Armenorthopedic support» համատեղ ձեռնարկություն է ստեղծել եւ հույս ունի, որ իր արտադրանքը Հայաստանով կարտահանի Ռուսաստան եւ Եվրոպայի երկրներ:
Երեւանում ընթացող «Առողջապահություն եւ դեղագործություն» ցուցահանդեսին «Armenorthopedic support» ՀՁ-ի տնօրեն Էդվին Խոդավերդին փոխնախարարի հետ զրույցում նշել է, որ իր իրանցի գործընկերը զգուշանում է Հայաստանում ներդրում անելուց, ինչին ի պատասխան Գագիկ Միրիջանյանը խոստացել է երաշխավոր հանդիսանալ:
«Մեզ համար շատ կարեւոր է, որ արտադրությունը Հայաստանում լինի եւ նախարարությունը պատրաստ է աջակցել այդ հարցում», - ասել է նա:
Էդվին Խոդավերդիի խոսքով, ընկերությունը Հայաստանում առաջին քայլերն է անում, բայց արդեն արտադրանք է թողարկել made in Armenia պիտակով, իսկ Իրանում CHIPSO-ն իր ոլորտում շուկայի առաջատարն է: CHIPSO-ն օրթոպեդիկ սեղմիրաններ, բանդաժներ, ծնկակապեր, արմնկակապեր եւ օրթոպեդիկ այլ արտադրանք է թողարկում:
