նախընտրելի դարձնել2026 թվականի հունվարի 1-ից գործարկված համընդհանուր առողջապահական ապահովագրության համակարգը հաջողությամբ անցել է առաջին 100 օրը։ Այս մասին ապրիլի 18-ին Հայաստանի ազգային պատկերասրահում տեղի ունեցած հանդիսավոր միջոցառման ժամանակ հայտարարել է ՀՀ առողջապահության նախարար Անահիտ Ավանեսյանը։
Նրա խոսքով՝ համակարգի գործարկման նախաշեմին գործընթացի բոլոր մասնակիցներն անհանգստություններ են ունեցել. բարեփոխումն ընդգրկել է բազմաթիվ բաղադրիչներ՝ թվային միջավայրը, օրենսդրական հենքը, բժշկական կենտրոնները, դեղատները, պետական և մասնավոր կառույցները։ «Մենք հասկանում էինք, որ առաջին տպավորություն թողնելու երկրորդ հնարավորություն երբեք չի լինում»,- նշել է նախարարը։
Ավանեսյանն ընդգծել է, որ ձեռք բերված արդյունքը հնարավոր է դարձել պետական մարմինների և մասնավոր գործընկերների համակարգված աշխատանքի, ինչպես նաև երկրի վարչապետի քաղաքական կամքի շնորհիվ։ Նա հատուկ շնորհակալություն է հայտնել հարկատուներին. նրա խոսքով՝ յուրաքանչյուր քաղաքացու ներդրումը, անկախ վճարումների չափից, պետությանը թույլ է տվել կառուցել այս համակարգը։
Նախարարը նաև վստահություն է հայտնել բարեփոխման երկարաժամկետ արդյունավետության հարցում։ Ըստ նրա գնահատականի՝ համակարգը կփոխի առողջության հանդեպ վերաբերմունքի մշակույթը, կնպաստի կյանքի տևողության երկարացմանն ու բժշկական օգնության որակի բարձրացմանը, իսկ հայաստանյան փորձը հեռանկարում կարող է պահանջված լինել այլ երկրների կողմից։
