Ֆիթնես-թրեքերի օգտագործումը զգալի ազդեցություն չունի ֆիզիկական վարժությունների ինտենսիվության վրա: Այս մասին է վկայում բժիշկների միջազգային խմբի իրականացրած հետազոտությունը:
Մեկ տարվա ընթացքում գիտնականները հետեւել են 800 մարդու առողջությանը (քաշին, արյան ճնշմանը եւ զարկերակին) եւ ֆիզիկական ծանրաբեռնվածության ինտենսիվությանը: Մասնակիցներից ոմանք դրամական պարգեւատրում են ստացել ֆիթնես-ապարանջան կրելու համար:
Առաջին վեց ամիսներին այն մասնակիցները, որոնք նյութական խթանում էին ստանում, ցուցադրել են ֆիզիկական ակտիվության աճ: Սակայն մեկ տարի հետո այդ ցուցանիշը վերադարձել է նախնական մակարդակին:
Դրամական պարգեւատրում չստացող մասնակիցների շրջանում մեկ տարի հետո նկատվել է աերոբիկայի վարժություններով զբաղվելիս ֆիզիկական ակտիվության տեւողության աճ (միջինը շաբաթական 16 րոպե): Այդուհանդերձ, հետազոտության հեղինակների կարծիքով, այն աննշան է, որպեսզի հանգեցնի առողջական վիճակի զգալի լավացման:
Այս հետազոտությանը նվիրված հոդվածը հրապարակվել է The Lancet Diabetes and Endocrinology ամսագրում, դրա մասին համառոտ հայտնում է The Telegraph պարբերականը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր