Խորը սառեցումը կարող է օգնել դոնորական օրգանները երկար պահելուն, բայց մինչեւ նման սառեցումը հնարավոր դառնա, գիտնականները պետք է գտնեն դրանք անվնաս ապասառեցնելու միջոցը: University of Minnesota-ի գիտնականները դրա համար նանոտեխնոլոգիաներ են օգտագործել: Դրանց կիրառմամբ գերտաքացուցիչները, ըստ նրանց, կարող են արագ եւ անվտանգ ապասառեցնել կենդանի հյուսվածքները:
Ապասառեցման համար օգտագործվում է ռադիոալիօքների օգնությամբ նանոմասնիկներով հյուսվածքների մշակումը: Նանոմասնիկները հանդես են գալիս միկրոսկոպիկ տաքացուցիչ տարրերի դերում, որոնք հավասարաչափ տաքացնում են հյուսվածքները: Այդ մոտեցումը կարող է աշխատել սրտի կամ երիկամների պարագայում: Ներկայում դոնորական օրգանների հիմնական խնդիրներից մեկը դրանք երկար ժամանակ պահպանել չակարողանալն է: Թոքերն ու սիրտը, օրինակ, հնարավոր է պահպանել 4-6 ժամ:
Այսօր օրգանները սառեցվում են, բայց ոչ շատ խորը, քանի որ մեծ ծավալի սառեցման ժամանակ ձեւավորվում են սառցի բյուրեղներ, որոնք ներսից վնասում են հյուսվածքները: Նոր մոտեցումը հիմնվում է երկաթի օքսիդի նանոմասնիկների օգտագործման վրա: Տաքացումը արագ է տեղի ունենում (մինչեւ 100 անգամ արագ նախորդ տեխնոլոգիայից) եւ ավելի համաչափ: Այնուհետեւ գիտնականները ապասառեցված հյուսվածքներից դուրս են բերել նանոմասնիկները: Ըստ նրանց՝ ամբողջական օրգանների դեպքում նանոմասնիկները ավելի խորը պետք է տեղադրել:
Հիմա նոր մեթոդը փորձարկվում է ճագարների երիկամների վրա:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր