Կանայք կեղծում են հեշտանքը հաճույքի համար

Կանայք կեղծում են հեշտանքը ոչ միայն զուգընկերոջ հետ հարաբերությունների պահպանման կամ սեփական լիարժեքության զգացողության համար, այլեւ սեռական գրգռվածություն զգալու համար: Այս մասին գրված է Journal of Sexual Archives ամսագրում տպագրված հոդվածում:

Ինչպես հաղորդում է Huffington Post-ը, փորձարկումների արդյունքում ամերիկացի հետազոտողները ուսումնասիրել են 481 սեռապես ակտիվ կանանց, որոնց միջին տարիքը կազմել է 20 տարեկանը: Կանայք լուրջ հարաբերությունների մեջ չեն եղել: Գիտնականները հարց են տվել կանանց այն մասին, թե ինչու են նրանք կեղծում հեշտանքը: Պատասխանների արդյունքները անսպասելի են եղել:

Հիմնականում տրվել են հետեւյալ 4 պատասխանները.

Ալտրուիստական նկատառումներից՝ որպեսզի տղամարդը իրեն լավ զգա

Սեփական վախ եւ անվստահություն՝ որպեսզի տհաճ հիշողություներ չմնան

Գրգռվածության ավելացման համար

Սեռական հարաբերությունը վերջացնելու համար

Պարզվեց, որ առաջին 2 պատասխանները համապատասխանում են հեշտանքի կեղծման մասին դասական պատկերացումներին, որ այդ արվում է զուգընկերոջ կամ կնոջ էմոցիոնալ բարեկեցության համար, սակայն երրորդ եւ չորրորդ տարբերակները ցույց են տալիս ինտիմ ոլորտում կնոջ ինքնորոշման նոր կետ, հայտնել է հետազոտության համահեղինակ Էրին Կուպերը:

Ինչպես հայտնում է Fox News-ը՝ Times-ին հղումով, ավելի վաղ հետազոտությունները ցույց են տվել, որ երիտասարդ բայց միայնակ կանայք հեշտանքի հասնելու համար ավելի մեծ դժվարություններ են ունենում, քան կանայք, որոնք պահպանում են տեւական լուրջ հարաբերություններ:

Հետևեք NEWS.am Medicine-ին Facebook-ում և Twitter-ում