Ինչպե՞ս Նոր տարին դիմավորել ալկոհոլով` առանց կազմվածքը փչացնելու

Շատերն ամանորյա տոներին ավելորդ քաշ են հավաքում ոչ միայն այն պատճառով, որ չափից շատ են ուտում, այլեւ` մեծ քանակությամբ ալկոհոլային խմիչքներից:

Ինչպես պնդում է սննդաբան Ջենիֆեր Բրունինգը, ալկոհոլի մեծ քանակությունն իսկապես նպաստում է քաշի ավելացմանը: Նախ, ալկոհոլը մեծացնում է քաղցը, եւ մարդը կարող է սկսել չափից շատ նախուտեստներ ուտել: Երկրորդ, քաղցր եւ ալկոհոլի բարձր պարունակությամբ ըմպելիքները շատ կալորիաներ են պարունակում, որոնց մասին մարդը նույնիսկ գլխի չի ընկնում:

Եթե ​​ցանկանում եք ուրախ դիմավորել Ամանորը, բայց, միեւնույն ժամանակ, պահպանել կազմվածքը, սննդաբանը խորհուրդ է տալիս տոներին նվազեցնել ալկոհոլային խմիչքների քանակը մինչեւ օրական 1-2 չափաբաժին:

Ըստ մասնագետի՝ ավելի լավ է սահմանափակվել օրական մեկ բաժակ գարեջրով, մեկ բաժակ գինով կամ մեկ բաժակ թունդ ալկոհոլով։

Հետևեք NEWS.am Medicine-ին Facebook-ում և Twitter-ում