5 նշան, որոնք վկայում են սննդի հետ կապված վարքագծի խնդիրների մասին

Ի՞նչ նշաններից կարելի է հասկանալ, որ մարդը սննդի հետ կապված վարքագծի խնդիրներ ունի։ Այս մասին իր կարծիքն է հայտնել սննդաբան Ալբինա Կոմիսարովան։

Մասնագետը նշել է, որ ինտերնետում գտած ոչ մի տեղեկատվություն չի կարող փոխարինել բժշկի, սննդի ոլորտի մասնագետի խորհրդատվությանը, բայց կան որոշակի նշաններ, որոնցով կարելի է կասկածել, որ մարդը սննդի հետ կապված վարքագծի խնդիրներ ունի։

Հատկապես պետք է ուշադրություն դարձնել հետեւյալ նշաններին. 

• շատ են մտքերը սննդի, քաշի, կալորիականության մասին;
• որոշակի մթերքներից հրաժարվելը՝ ավելորդ քաշ հավաքելու վախից;
• սննդային «արարողակարգերի» հայտնվելը (օրինակ՝ սնունդը կարող է ներառել միայն որոշակի մթերքներ, շատ դանդաղ ծամելը, սննդի ընդունում միայն այն ժամանակ, երբ մենակ են եւ այլն);
• տրամադրությունը եւ ինքնագնահատականն ուղղակիորեն կախված են ընդունվող ուտելիքից;
•  կազմվածքի մշտական «ստուգումը» հայելու առաջ։

Իհարկե, այս նշանների առկայությունը դեռ չի նշանակում, թե մարդը սննդային վարքագծի հետ կապված լուրջ խնդիրներ ունի։ Միայն մասնագետը կարող է որոշել՝ խնդիր իրականում կա՞, թե՞ ոչ։

Իսկ նման խնդիրների կանխարգելման համար սննդաբանը խորհուրդ է տվել փորձել սննդի հանդեպ առողջ վերաբերմունքի մի քանի սկզբունքներ.

• ուտելիքը չբաժանել «վատի» եւ «լավի»;
• ժամանակային սահմանափակումներ չդնել որոշակի մթերքների օգտագործման համար;
• սոցցանցերում չբաժանորդագրվել այն աղբյուրներին, որոնք ներշնչում են մտքեր սնվելու ճիշտ չլինելու մասին;

անհրաժեշտության դեպքում դիմել պրոֆեսիոնալի օգնությանը։

Հետևեք NEWS.am Medicine-ին Facebook-ում և Twitter-ում