Գիտնականներն ալոպեցիայի բուժման նոր միջոց են մշակել

Մասաչուսեթսի տեխնոլոգիական ինստիտուտի, Բրիգամ և Կանանց հիվանդանոցի և Հարվարդի բժշկական դպրոցի գիտնականները մշակել են պոտենցիալ նոր բուժում՝ ալոպեցիայի (alopecia areata) համար՝ աուտոիմուն հիվանդություն, որն առաջացնում է մազաթափություն և ազդում բոլոր տարիքի մարդկանց, այդ թվում՝ երեխաների վրա, ասվում է Մասաչուսեթսի տեխնոլոգիական ինստիտուտի կայքում հրապարակված հետազոտության մեջ: 

Այս տեսակի մազաթափությամբ հիվանդների մեծ մասի համար արդյունավետ բուժում չկա: Թիմը մշակել է միկրոասեղի կարկատ, որը կարող է առանց ցավի դրվել գլխի մաշկին և արտազատել դեղամիջոցներ, որոնք օգնում են հավասարակշռել իմունային պատասխանն այդ հատվածում՝ կանգնեցնելով աուտոիմուն հարձակումը:

Մկների վրա կատարված ուսումնասիրության ժամանակ գիտնականները պարզել են, որ այս բուժումը թույլ է տալիս մազերին աճել և զգալիորեն նվազեցնել բորբոքումը բուժման վայրում՝ միաժամանակ խուսափելով մարմնի այլ մասերում համակարգային իմունային ազդեցություններից: Հետազոտողներն ասում են, որ այս ռազմավարությունը կարող է նաև հարմարեցվել այլ աուտոիմուն մաշկային հիվանդություններ բուժելու համար, ինչպես վիտիլիգոն, ատոպիկ դերմատիտը և պսորիազը:

Հետևեք NEWS.am Medicine-ին Facebook-ում և Twitter-ում