Ավելացրեք հետեւյալ սննդամթերքները ձեր սննդակարգում: Վերջիններս պարունկում են սննդարար նյութեր, որոնք կօգնեն պայքարել բորբոքման դեմ, ինչն էլ իր հերթին կօգնի ձեզ շրջել ժամանակը:
Կանաչ թեյ. Օրական ավելի քան երեք բաժակ կանաչ թեյ խմող մարդիկ ավելի երկար են ապրում, ասվում է նոր գիտական աշխատանքում: Կանաչ եւ սպիտակ թեյերը պարունակում են ավելի շատ EGCG հզոր հակաօքսիդանտ , որը կապված է սիրտանոթային հիվանդությունների, Ալցհեյմերի հիվանդության , ինչպես նաեւ քաղցկեղի տարբեր ձեւերի ավելի ցածր ռիկսի հետ: Կատեխինները՝ կանաչ թեյում պարունակվող հակաօքսիդանտները, կարող են նաեւ պաշտպանել աչքերը գլաուկոմայից, տեղեկացնում է Fox News-ը։
Ձուկ . Սաղմոնի, թյուննոսի նման ճարպոտ ձկները մեծ քանակությամբ օմեգա 3 ճարպաթթուներ են պարունակում, որոնք պայքարում են ծերության շատ հիվանդությունների, այդ թվում սիրտանոթային հիվանդությունների դեմ: Սրտի ամերիկյան ասոցացիան խորհուրդ է տալիս շաբաթական երկու չափաբաժին ձուկ ուտել:
Ընկույզ. Օրական մի բուռ ցանկացած տեսակի ընկույզ՝ պարունակում է ծերացման դեմ պայքարող մեծ քանակությամբ օմեգա 3 ճարպաթթուներ:Մի հետազոտություն ցույց տվեց, որ մարդիկ ովքեր ամեն օր ընկույզ են կերել , 60 %-ով ավելի քիչ են ենթարկվել սրտի կաթվածի ռիսկի: Ընկույզներն օգնում են նաեւ էլաստինի եւ կոլագենի ՝ մաշկը երտասարդ պահպանող միացության սինթեզին:
Շոկոլադ. Հետազոտությունը ցույց է տվել, որ շոկոլադը ուժեղացնում է ուղեղի աշխատանքը եւ նվազեցնում զարկերակային ճնշումը: Գերմանական հետազոտությունը ցույց տվեց, որ օրական ոչ մեծ քանակությամբ շոկոլադը 40 տոկոսով նվազեցնում է սրտի կաթվածի եւ ինսուլտների ռիսկը:
Սուրճ. Հարուստ է հակաօքսիդնտներով։ Մի հետազոտություն ցույց է տվել, որ օրական 3-5 բաժակ սուրճը 65 տոկոսով նվազեցնում է դեմենցիայի զարգացման ռիսկը: ՄԵկ այլ հետազոտություն ցույց է տվել, որ սուրճը նվազեցնում է ծերունական շատ հիվանդությունների ռիսկը, այդ թվում սրտի հիվանդությունների, պոդագրայի,շագանակագեղձի քաղցկեղի, հաստ աղու քաղցկեղի, եւ 2-րդ տիպի շաքարային դիաբետի:
Գինի. Յուրաքանչյուր օր գինու չափավոր քանակությունը՝ երկու բաժակ, կարող է նվազեցնել ծերացման շատ հիվանդություններ, ներառյալ սրտի կաթվածը, Ալցհեյմերի հիվանդությունը, շաքարախտը, ճարպակալումը, կարիեսը, եւ քացղցկեղի որոշ տեսակներ: Գինին կարող է պաշտպանել նաեւ կերատոզ կոչվող մաշկի նախաքաղցկեղային ախտահարումից:
Հատապտուղներ. Ազնվամորին, մորին եւ այլ հատապտուղները պարունակում են անտոցիաններ՝ հակաօքսիդատներ, որոնք հատապտուղներին հաղորդում են հագեցած գույն եւ դանդաղեցնում են ծերացման պրոցեսը։ Որքան մուգ է հատապտուղը, այդքան ավելի բարձր է հակաօքսիդանտների պարունակությունը: Օրական մեկ բաժակ թարմ կամ սառեցված հատապտուղները պայքարում են ծերքացմանը հանգեցնող բորբոքման դեմ:
Լոլիկ. Լիպոինը լոլիկին կարմիր գույն տվող հակաօքսիդանտ է, որը երիատասարդ է պահում մաշկը, ինչպես նաեւ կարող է նվազեցնել սրտային հիվանդությունների եւ քաղցկեղի որոշ տեսակների հավանականությունը:
Բրոկոլի. Բրոկոլին հարուստ է վիտամիններով եւ հանքային աղերով, ինչպես նաեւ քրոմով, ինչը դանդաղեցնում է ծերացման պրոցեսը եւ ուժեղացնում է ուղեղի ֆունկցիան: Բրոկոլիի եւ այլ խաչածաղկավորների, օրինակ՝ կաղամբի եւ բրյուսելյան կաղամբի մեջ պարունակվող սուլֆորաֆանը նվազեցնում է ինֆարկտի եւ ինսուլտի, ինչպես նաեւ քաղցկեղի ռիսկը: Որոշ փորձագետներ նույնիսկ խորհուրդ են տալիս օրական երկու չափաբաժին խաչածաղկավոր բանջարեղեն ուտել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր