Մերիլենդի (ԱՄՆ) համալսարանի մասնագետները եկել են ոչ այնքան հուսադրող եզրահանգումների: Սեքս-ծանոթությունների համար նախատեսված կայքերի ի հայտ գալը նպաստում էր ՄԻԱՎ-ի տարածմանը: Այսպես, հետազոտության արդյունքների համաձայն, Craiglist սեքս-ծանությունների կայքի ստեղծումը հանգեցրեց նրան, որ Ֆլորիդա նահանգում ՄԻԱՎ-ով վարակման դեպքերն աճեցին 13.5 տոկոսով:
Այսօր համաշխարհային ցանցում գոյություն ունեն մի քանի տասնյակ կայքեր, որոնք նախատեսված են մի գիշեր տեւողությամբ ծանոթությունների համար: Նմանատիպ առաջին նախագիծը Կրեյգ Նյումարիկի հիմնած Craiglist կայքն էր, որ ի սկզբանե՝ 1995 թվականին, ստեղծվել էր Սան Ֆրանցիսկոյի բնակիչների միջեւ շփման համար, սակայն շատ արագ դարձել Ամերիկայի սեքս-ծանությունների առաջատար պորտալը:
Ռիտու Ագարվալը Մերիլենդի համալսարանից եւ նրա գործընկերները փորձել են պարզել, ինչպես է նմանատիպ ծառայությունների ձեւավարուոմը ազդում ՄԻԱՎ-ով հիվանդացության մակարդակի վրա:
Ինչպես նշում են գիտնականները, այս առումով Craiglist կայքը շատ օգնեց իրենցմ քանի որ կայքը գործարկվել էր ոչ մաինգամից ամբողջ երկրում, այլ աստիճանաբար, որոշակի ժամանակահատվածի ընթացքում բացվելով նոր նահանգներում ու քաղաքներում: Այս հանգամանքը թույլ տվեց ուսումնասիրել, թե ինչպիսին էր իրավիճակը Ֆլորիդայում կայքի գործարկումից առաջ եւ հետո՝ 2002-2006 թվականներին:
Հետազոտության հեղինակները եկել են այն եզրակացության, որ տվյալ ռեսուրսը անմիջականորեն մեղավոր է նահանգի մոտավորապես 1.2 հազար բնակիչների՝ ՄԻԱՎ-ով վարակվելու մեջ:
Ընդ որում՝ ՄԻԱՎ-ով վարակվում էին սովորաբար հարուստ մարդիկ, որոնք օգտվում էին թանկարժեք ապահովագրությունից: Գիտնականները բացատրում են այս հանգամանքը նրանով, որ ՄԻԱՎ կանխարգելման միջոցառումները հիմնականում իրականացվում են աղքատ մարդկանց շրջանում:
Ամենից շատ գիտնականների զարմացրեց այն փաստը, որ տղամարդկանց, կանանց եւ համասեռականների շրջանում հիվանդացության մակարդակը գրեթե նույնն էր: Ագարվալն ու գործընկերները հակված են բացատրել դա այն հանգամանքով, ԱՄՆ-ում գոյություն ունի ՄԻԱՎ-ով տառապող համասեռականների մի խումբ, որի ներկայացուցիչները թաքցնում են իրենց օրիենտացիան բժիշկներից եւ հետերոսեկսուալ զուգընկերներից:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր