Սուրբ ծննդյան օրը Ջոդի Վիերսն իր ծնողներին մի նկարազարդ գիրք էր նվիրել, որի էջերի մեջ թաքցրել էր մի փոքրիկ սեւ-սպիտակ նկար: Դա ՈՒՁհ լուսանկարն էր, որը Ջոդին արել էր Սուրբ ծնունդից որոշ ժամանակ առաջ: Լուսանկարի վրա դժվարությամբ կարելի էր նկատել այն աղջկա ուրվագծերը, ում նա կրում էր իր սրտի տակ:
Երբ Ջոդին 23 տարեկան էր, նրա մոտ ախտորոշեցին ֆոլիկուլյար լիմֆոմա ՝ քաղցկեղի տեսակ, որը սպառնում էր նրա կյանքին: Նրան սպասում էր երկրարատեւ ու ծանր բուժում, որից հետո նա այլեւս չէր կարողանա հղիանալ: Հասկանալով դա ՝ Ջոդին ու նրա ամուսին Ադենը փորձեցին դիմել ԷԿՕ –ի, որպեսզի ստանան էմբրիոններ, որոնք հետո հնարավոր կլինի օգտագործել: Սակայն նրանց մոտ ոչինչ չստացվեց, բժիշկները չկարողացան ստանալ նորմալ ձվաբջիջներ, որոնք հնարավոր կլիներ բեղմնավորել:
«Այդ ժամանակ ես մտածեցի, որ դա վերջն է: Դա վեր վերջին հույսն էր»,- պատմում է Ջոդին:
Նա սխալվում էր, Այս տարվա մայիսին Ջոդին դարձավ աշխարհում երկրորդ կինը, ով երեխա է ծնել քաղցկեղի բուժումից ու մինչեւ քիմիաթերապիայի սկիզբը սառեցված ձվաբջիջների հյուսվածքների փոխպատվաստումից հետո:
Ինչպես պատմեց բժշկուհի Քեյթ Սթերնը, Ջոդիին երեխա է պարգեւել ինովացիոն տեխնոլոգիան, որն առաջին անգամ կիրառել են 2013 թ. ու որի շնորհիվ Մելբուռնում բնակվող կինը կարողացել էր երկվորյակ ծնել ձվարանները հեռացնելուց 7 տարի հետո:Նոր տեխնոլոգիան ենթադրում է մինչեւ քիմիաթերապիա սկսելը ձվարանների հյուսվածքների մի մասի սառեցում: Հետո, երբ հիվանդ կինն ազատվում է քաղցկեղից, նրան պատվաստում են սառեցված հյուսվածքները, որպեսզի դրանք սկսեն ձվաբջիջներ արտադրել:
Հետաքրքիր է, որ Ջոդիի դեպքում ձվարանի հյուսվածքները պատվաստել են ոչ թե նրանց նախկին տեղում, այլ որովայնի ու կոնքերի պատերին: Իսկ հետո պահանջվել է 10 ամիս ու ԷԿՕ –ի 5 ցիկլ, որպեսզի Ջոդին հղիանա Եվայով:
Հղիությունը անցել է առանց բարդությունների: Ջոդին իր հղիության մասին հարազատներին հայտնել է միայն երբ արդեն 14 շաբաթական հղի էր ՝ Սուրբ ծննդյան գիշերը: Եվան ծնվել է ժամկետից 6 շաբաթ շուտ, բայց առողջ ու գեղեցիկ: Ինչպես նկատեց Ջոդին, նրա ծնունդը փոխել է ամբողջ ընտանիքի կյանքը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր