Գիտնականներն արդեն վաղուց զգուշացնում են, որ օրական 1 գավաթից ավել գինի կամ գարեջուր խմող կանանց մոտ զգալիորեն մեծանում է կրծքի քաղցկեղի զարգացման վտանգը: Սակայն այժմ նոր հետազոտությունը ցույց է տվել, որ խնդիրն անհամեմատ ավելի լուրջ է, քան համարվում էր նախկինում. ալկոհոլային խմիչքների չարաշահումը չորս անգամ մեծացնում է քաղցկեղի զարգացման վտանգը:
Իսպանական 5 համալսարան հետազոտություն են իրականացրել, որը համակարգել է International Agency for Research on Cancer-ը եւ ֆինանսավորել Եվրամիությունը: Հետազոտության շրջանակում գիտնականները հետեւել 10 երկրից 300 000 կնոջ առողջությանը: Նրանցից 11 576-ի մոտ 11 տարվա ընթացքում կրծքի քաղցկեղ է հայտնաբերվել: Ընդ որում, նրանց մոտ, ովքեր օրական մեկ բաժին ալկոհոլից ավելի են օգտագործել, քաղցկեղի հավանականությունն ավելի մեծ է եղել:
«Օրական ալկոհոլի ամեն ավելորդ 10 գրամի հետ կնոջ մոտ կրծքի քաղցկեղի զարգացման ռիսկը աճում է 4 տոկոսով»,- ասել է University of Murcia համալսարանի հետազոտող Մարիա Դոլորես Չառլակը: «Այլ կերպ ասած, եթե կինը օրական 1 բաժակ գինի կամ գարեջուր է խմում կամ պակաս, քաղցկեղի ռիսկը 1 է: Եթե 2 բաժակ խմի, ռիսկը կաճի 4 տոկոսով: Իսկ եթե օրական 15 լրացուցիչ գրամ խմի, կրծքի քաղցկեղի ռիսկը կաճի 5.9 տոկոսով»:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր