Շաքարախտով հիվանդների աչքերի մեջ ռանիբիզումաբ դեղամիջոցի ներարկումները կօգնեն բարելավել տեսողությունը եւ կանխարգելել կուրության զարգացումը: Այդ մասին տեղեկացնում են ամերիկյան ատլանտա քաղաքի Էմորիի համալսարանի գիտնականները:
Վերջին 40 տարվա ընթացքում շաքարախտով հիվանդները թերապիայի ոչ մի արմատականորեն նոր մեթոդ չեն ստացել, չնայած շաքարախտային ռետինոպատիան այդ հիվանդության ամենատարածված բարդացումներից է: Շաքարախտային ռետինոպատիան զարգանում է, երբ շաքարի բարձրացած մակարդակը վնասում է աչքի հետին մակրեւույթի բջիջներին: Բուժման բացակայության պայմաններում դա կարող է կուրության հանգեցնել:
Շաքարախտային ռետինոպատիան շաքարախտով հիվանդների տեսողության կորստի հիմնական պատճառն է համարվում, դրա բուժման ստանդարտ միջոցը լազերային վիրաբուժությունն է, որը կարող է պերիֆերիկ տեսողության կորստի եւ գիշերային տեսողության խնդիրների պատճառ դառնալ: Սակայն ռանիբիզումաբով նոր բուժումը հիվանդներին թույլ է տալիս պահպանել պերիֆերիկ տեսողությունը, այնպես որ նրանք սկսում են առարկաներն ավելի հստակորեն տեսնել, ինչպես որ ցույց է տվել հատուկ աղյուսակի օգտագործմամբ թեստը: Տվյալ ներարկումներն անհրաժեշտ է կատարել ընդամենը երեք ամիսը մեկ անգամ:
Վերջերս աշխարհում էականորեն աճել է շաքարախտով տառապող չափահասների թիվը, նշանակում է` զգալիորեն ավելի մեծացել է մեր մոլորակի այն բնակիչների թիվը, որոնք բախվել են այդ նյութափոխանակային խանգարման հետեւանքով տեսողության կորստի վտանգին:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր