Հայաստանի բոլոր հիվանդանոցներն ապահովված են հակահարուցիչային Տամիֆլյու դեղամիջոցով, որը սովորաբար օգտագործվում է գրիպի բուժման դեպքում: Անհրաժեշտության դեպքում եւ համապատասխան ցուցումների առկայության պարագայում ստացիոնար բուժում ստացող հիվանդներն անվճար ստանում են այդ դեղամիջոցը: Այդ մասին լրագրողներին պատմել է Հայաստանի առողջապահության փոխնախարար Վահան Պողոսյանը:
Պոլիկլինիկաներն իրենց հերթին ունեն Կագոցել, Ավիկլովիր եւ այլ հակահարուցիչային դեղամիջոցներ, ինչպես նաեւ հակաբիոտիկներ եւ С վիտամին: Այս ամենը նրանք անհրաժեշտության դեպքում կտրամադրեն գրիպով եւ ՍՇՎ-ով հիվանդներին:
Տամիֆլյու դեղամիջոցի շուրջ աժիոտաժին եւ դրա պակասի վերաբերյալ պնդումներին անդրադառնալով` փոխնախարարը նշեց, որ Տամիֆլյուն գրիպի բուժման, ոչ թե պրոֆիլակտիկայի դեղամիջոց է եւ որ դրա նշանակման համար լուրջ հիմքեր եւ անալիզների արդյունքներ են անհրաժեշտ: Այդ պատճառով խորհուրդ չի տրվում ինքնուրույն Տամիֆլյու գնել եւ ընդունել. գրիպի ախտանիշների դեպքում փոխնախարարը խորհուրդ է տալիս դիմել բնակավայրին կից պոլիկլինիկա, որտեղից անհրաժեշտության դեպքում կարող են ուղարկել ստացիոնար բուժման: Ստացիոնարում նրանց կապահովեն անվճար բուժմամբ եւ բոլոր անհրաժեշտ դեղամիջոցներով, այդ թվում նաեւ` Տամիֆլյուով, եթե դրա նշանակման ցուցումներ լինեն:
Վահան Պողոսյանը հիշեցրել է, որ Տամիֆլյուի ընդունումն առողջ մարդուն բոլորովին չի խանգարի գրիպով վարակվել, դրա համար էլ ուղղակի հիմարություն է այդ դեղամիջոցը պրոֆիլակտիկայի համար ընդունելը: Առանց բժշկի հետ խորհրդակցելու դա բուժման համար խմելը եւս սխալ է, պնդում է փոխնախարարը:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր