Հայաստանի դպրոցներում եւ մանկապարտեզներում արձակուրդի երկարաձգումը կարող է օգնել կանխել երեխաների շրջանում գրիպի եւ ՍՇՎ-ի տարածումը: Ինչպես նշել է Հայաստանի Առողջապահության նախարարության գլխավոր մանկաբույժ Սերգեյ Սարգսյանը, նման որոշման ընդունման համար մասնագետներն ուսումնասիրել են այլ երկրների փորձը, մասնավորապես` ԱՄՆ-ի եւ մի շարք եվրոպական երկրների, եւ պարզել են, որ արձակուրդի երկարաձգումն իրոք արդյունավետ է սովորողների շրջանում հարուցիչի տարածումը կանխելու համար:
Գլխավոր մանկաբույժի խոսքով, առայժմ դժվար է ասել` հունվարի 25-ին դպրոցներում կսկսվեն արդյոք պարապմունքները, թե արձակուրդը կերկարաձգեն մինչեւ փետրվար: Արձակուրդը եւս մի շաբաթով երկարաձգելու որոշումը կարող է ընդունվել այս շաբաթվա ընթացքում հավաքված հիվանդացման տվյալների հիման վրա:
Եթե պարապմունքները սկսվեն, երեխաները պիտի հասկանան, որ չի կարելի հիվանդ երեխային ուղարկել դպրոց կամ մանկապարտեզ, ընդգծել է մանկաբույժը, չէ՞ որ դա վտանգավոր է ինչպես երեխայի, այնպես է; շրջապատի համար, որոնց նա կարող է վարակել: Վատ չէր լինի, եթե դպրոցներում բժշկական դիմակներ կրեին, սակայն դա իրականացնելը կարող է հեշտ չլինել:
Ցանկալի է նաեւ, որ բժշկական բուժքույրերը դասից առաջ զննեն դպրոց եկող բոլոր հիվանդներին: Դա կօգնի ի հայտ բերել հիվանդ երեխաներին, նախ` ժամանակին կազմակերպել նրանց բուժումը եւ երկրորդ` թույլ չտալ, որ մյուսներին վարակեն:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր