Հունվարի 15- 19-ը ընկած ժամանակահատվածում Երեւանի քաղաքապետարանի ենթակայության պոլիկլինիկաների տեղամասային թերապեւտներին եւ մանկաբույժներին է դիմել 17538 քաղաքացի: 4612 քաղաքացու մոտ՝ ինչը կազմում է այցելուների ընդհանուր թվի շուրջ 25 տոկոսը, հայտնաբերվել է սուր շնչառական հիվանդություն, ինչը փաստում է, որ նախորդ օրերի համեմատ հիվանդացության ցուցանիշը նվազել է, հայտնում է ՀՀ Երեւանի քաղաքապետարանի մամուլի ծառայությունը։
Երեւանի քաղաքապետ Տարոն Մարգարյանի հանձնարարությամբ համայնքային ենթակայության բոլոր ամբուլատոր-պոլիկլինիկական բուժհաստատություններում անցած շաբաթ եւ կիրակի օրերին նույնպես սահմանվել է հերթապահություն։ Նախորդ շաբաթվա համեմատ քաղաքացիների այցելությունների թիվը կրճատվել է 234-ով` կազմելով 1630 այց:
Քաղաքապետի հանձնարարությամբ քաղաքապետարանի առողջապահության վարչության պետ Կամսար Բաբինյանն ու վարչության պետի տեղակալ Գայանե Անտոնյանը հերթական շրջայցն են կատարել մայրաքաղաքային ամբուլատոր – պոլիկլինիկական բուժհաստատություններում, տեղերում զրուցել այցելուների եւ բուժանձնակազմի հետ:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր