Շատերը կարծում են, թե աղի սննդի հակումը հղիության «ախտանիշներից» մեկն է, բայց իրականում այդ հակումը կարող է նաեւ այլ պատճառներ ունենալ, որոնց մասին քչերն են լսել:
1. Հանքանյութերի պակասը
Եթե Դուք անընդհատ աղի սնունդ եք ուզում, գուցե հանքանյութերի պակաս ունեք, մասնավորապես` կալցիումի եւ կալիումի: Օրգանիզմում նատրիումի մակարդակի նվազման դեպքում եւս աղի մթերքի հակում է առաջանում: Նատրիումի նվազում սովորաբար դիտարկվում է ֆիզիկական ինտենսիվ ծանրաբեռնվածության պարագայում ավելցուկային քրտնարտադրության դեպքում:
2. Ջրազրկում
Ջրազրկման վիճակում օրգանիզմն ավելի շատ ջրի կարիք ունի էլեկտրոլիտային բալանսը պահպանելու համար: Այդ պատճառով եթե Դուք շատ եք աղի սնունդ ուզում, նախ փորձեք ջուր խմել. գուցե դա վերականգնի էլեկտրոլիտային բալանսը եւ աղի անհրաժեշտություն այլեւս չլինի:
3. Թոշնած մակերիկամներ
Աղի հանդեպ ուժեղ հակման եւս մեկ պատճառ կարող է լինել մակերիկամային գեղձերի ցածր արտադրողականությունը:
4. Սթրես
Սթրեսի վիճակում գտնվող մարդկանց մոտ հաճախ աղի մթերքի պահանջ է առաջանում: Հարցն այն է, որ սթրեսի պատճառով մենք շատ նատրիում ենք կորցնում եւ օրգանիզմը ցանկանում է վերականգնել այդ կորուստը:
Հետևեք NEWS.am Medicine-ին Facebook-ում և Twitter-ում