Ամերիկացու մոտ, որը մասնավոր կլինիկաներում ցողունային բջիջներով բուժման մի քանի կուրս էր անցել, ուռուցքի նոր տեսակ են հայտնաբերել, հայտնում է New England Journal of Medicine-ը:
66-ամյա Ջիմ Գեսսը Բոստոնի կլինիկա է ընդունվել թիկունքի ցավերով, ոտքերի անդամալուծությամբ եւ անմիզապահությամբ: Հետազոտությունը նորագոյացություններ է ի հայտ բերել ողնուղեղի թաղանթի տակ` գոտկատեղային հատվածի ամբողջ երկարությամբ:
Նորագոյացությունների բիոպսիան ցույց է տվել, որ դրանք կազմված չեն հիվանդի բջիջներից եւ չարորակ ուռուցքների մի շարք նշաններ ունեն: Սակայն ԴՆԹ- անալիզը ի հայտ չի բերել քաղցկեղային ուռուցքներին բնորոշ 309 գենից ոչ մեկը:
Պարզվել է, որ Գեսսն ուղեղի կաթված տանելուց հետո ցողունային բջիջներով բուժում է անցել Չինաստանում, Արգենտինայում եւ Մեքսիկայում: Ողնուղեղային ուղու մեջ ներարկումներից որոշ ժամանակ անց ցավեր եւ անդամալուծություն է առաջացել:
Ամերիկացի բժիշկները գործընկերներին կոչ են արել իրենց հիվանդներին տեղեկացնել ցողունային բջիջներով բուժման վտանգավորության մասին, իսկ իրենց` հիվանդներին` հրաժարվել թերապիայի այդ տեսակից:
Հետևեք NEWS.am Medicine-ին Facebook-ում և Twitter-ում