Նոյեմբերի 19-ին Ծաղկաձորի Էլեգանտ հյուրանոցային համալիրում, Հայաստանի Հանրապետության անկախության 25-ամյակի կապակցությամբ, Երիտասարդ բժիշկների ազգային խորհրդի նախաձեռնողական խումբը կանցկացնի կազմակերպության հիմնադիր համագումարը` ՀՀ տարբեր բուժհաստատությունների շուրջ 120 տարբեր մասնագիտացումներով երիտասարդ բժիշկների մասնակցությամբ: Այս մասին հայտնում է Երիտասարդ բժիշկների ազգային խորհրդի նախաձեռնողական խումբը։
Կազմակերպությանն անդամագրվելու հայտ են ներկայացրել 1200 երիտասարդ բժիշկներ Հայաստանի Հանրապետության տարբեր բժշկական հաստատություններից, ձեւավորվել են կազմակերպության մարզային կառույցները: Երիտասարդ բժիշկների ազգային խորհրդի նախաձեռնողական խումբն իրականացրել է առողջապահական համակարգի բարելավման եւ առողջացման առաջարկի համապարփակ փաթեթի մշակում, որն այդ օրը ցանկանում ենք ներկայացնել ՀՀ կառավարությանն ու ՀՀ առողջապահության նախարարությանը :
Հետևեք NEWS.am Medicine-ին Facebook-ում և Twitter-ում