Ավստրալիայի գիտական եւ կիրառական հետազոտությունների միավորումը (CSIRO) հրապարակել է սննդային սովորությունների եւ նիհարելու վրա դրանց ազդեցության վերաբերյալ հարցման արդյունքները:
Պարզվել է, որ 10-ից 9 մարդ կյանքի ընթացքում գոնե մեկ անգամ փորձել է նիհարել: Շուրջ 50 տոկոսը դա արել է ավելի քան 6 անգամ, շուրջ 20 տոկոսը կատարել է ավելի քան 25 փորձ:
Հետազոտողները նիհարողներին 5 տեսակի են բաժանել: Հարցվածների մեծամասնությանը նրանք դասել են «Պերֆեկցիանիստների» շարքին: Նրանք չեն կարող սնվելու ընտրած ծրագրին հետեւել այն տապալելու վախի եւ սննդակարգի վերաբերյալ անիրատեսական նպատակների պատճառով:
Մյուսը «Մոլագարների» խումբն է: Նրանք համեղ ուտելիքներ սիրում են եւ չեն կարող իրենց որեւէ բանում սահմանափակել: Հաջորդ խմբին են դասել «Մարդամոտներին», որոնք չեն կարող ըստ ժամացուցակի սնվել: Մասնակիցների մի քանի տոկոսին ընդգրկել են «Գուրմանների» խմբում, որոնք հաճույք են ստանում նրբահամ խորտիկների պատրաստումից եւ օգտագործումից: Մասնակիցների 4 տոկոսը ներառվել է «Անկարգների» խմբում, որոնք սնվելու ծրագրավորմանն անընդունակ են եւ ուտելիքն ինքնաբերաբար են ընտրում:
Հարցմանը 55 հազար մարդ է մասնակցել:
Հետևեք NEWS.am Medicine-ին Facebook-ում և Twitter-ում