Ամերիկացի գիտնականները դեղամիջոց են փորձարկել, որը կարող է կիրառվել լեյկեմիայի բուժման ժամանակ: Նրանք կարողացել են նվազեցնել անոմալ ֆիլադելֆիական քրոմոսոմների ակտիվությունը, որն արյան հիվանդության պատճառ է դառնում:
Գիտնականներն ուշադրությունը կենտրոնացրել են երկու սպիտակուցների՝ HDAC1-ի եւ HDAC2-ի ուղղությամբ, որոնք անմիջական մասնակցություն ունեն ԴՆԹ-ի վերականգնման գործում:
Փորձին ներգրավվել են նաեւ մասնագետներ դեղագործական ընկերություններից, որոնք օգնել են այս երկու սպիտակուցների ակտիվությունը բարձրացնող դեղամիջոց ստեղծել: HDAC1 եւ HDAC2 սպիտակուցները փորձարկել են մկների վրա: Փորձի ընթացքում նաեւ ստուգել են դրանց փոխգործակցությունը դոքսորուբիցինի՝ չարորակ ուռուցքների բուժման մեջ օգտագործվող քիմիաթերապեւտիկ դեղամիջոցի հետ: Արդյունքները դրական են եղել: Ֆիլադելֆիական քրոմոսոմների ակտիվությունը 50-70%-ով նվազել է, ինչի արդյունքում հիվանդ մկներն ավելի երկար են ապրել:
Գիտնականների խոսքով՝ այս դեղամիջոցը տոքսիկ չէ, ինչը նշանակում է, որ բացասական հետեւանքներ չի առաջացնում՝ ի տարբերություն քիմիաթերապիայի: Նրանք նաեւ նշել են, որ այս դեղամիջոցը կարելի է օգտագործել օնկոհիվանդությունների բուժման ժամանակ:
Հետևեք NEWS.am Medicine-ին Facebook-ում և Twitter-ում